საქართველოს სამთო გამყოლთა ასოციაცია და საქართველოს სათავგადასავლო ტურიზმის ინდუსტრიის წარმომადგენლები საერთო განცხადებას ავრცელებენ და წერენ , რომ უკრაინის დასახმარებლად ჰუმანიტარულ მისიებში ჩართვის მზადყოფნას გამოხატავენ და რუსი ტურისტების მომსახურებაზე უარს აცხადებენ.
„კომერანტი“ განცხადებას უცვლელად გთავაზობთ
“საქართველოს სამთო გამყოლთა ასოციაციის და პარტნიორი ორგანიზაციების ერთობლივი განცხადება უკრაინა იბრძვის ყველა ჩვენგანის თავისუფლებისთვის და უკრაინისთვის ბრძოლა დღეს საქართველოსთვის ბრძოლაა.
უკრაინის მხარდასაჭერად საქართველოს სამთო გამყოლთა ასოციაცია და საქართველოს სათავგადასავლო ტურიზმის ინდუსტრიის წარმომადგენლები:
- გამოვხატავთ მზადყოფნას ჩავერთოთ ჰუმანიტარულ მისიებში;
- ვწყვეტთ რუსეთის ფედერაციის ტურისტების მომსახურებას; - მივმართავთ რუს გამყოლებს
- არ ჩამოხვიდეთ! ახლა არ არის ტურიზმის დრო. გაერთიანდით და შეაჩერეთ პუტინი; როგორც სრულუფლებიანი წევრი, მივმართავთ სამთო გამყოლთა ასოციაციების საერთაშორისო ფედერაციას და მის წევრ ქვეყნებს
- შევაჩეროთ რუსეთის სამთო გამყოლთა ასოციაციის წევრობის სტატუსი!
ჩვენი ქმედებები არ არის გამიზნული რუსი ხალხის წინააღმდეგ ვინც
თავადაც ამ ბარბაროსობის მსხვერპლია.
თუმცა, კეთილი ნების ადამიანები მთელ მსოფლიოში, მათ შორის რუსეთში, ახლა უნდა გაერთიანდნენ პუტინის წინააღმდეგ და უკრაინის მხარდასაჭერად.
Слава Україні!“ - წერია განცხადებაში.
საქართველო სამტო ტურიზმის ასოციაცია
