აშშ-ს ორმა უმსხვილესმა საცალო მოვაჭრემ, Walmart-მა და Home Depot-მა რეცესიის მიმართ არსებული შეშფოთება შეასუსტეს, მაშინაც კი როდესაც სურსათსა და საწვავზე ფასების ზრდა მათ მომხმარებელს მძიმედ აწვება. - ამის შესახებ ინფორმაციას Fincancial Times ავრცელებს. მათივე ინფორმაციით, მსოფლიოს უმსხვილესი საცალო ვაჭრობის ქსელი აცხადებს, რომ მიუხედავად იმისა, რომ რეცესიის მიმართ ყველაზე მგრძნობიარე მომხმარებლები იაფ სასურსათო პროდუქტებს ყიდულობენ, ბოლო კვირებში ვაჭრობაზე გაუმჯობესება შეინიშნება.

საოჯახო წვრილმანების ქსელი Home Depot აღნიშნავს, რომ სახლის მოწყობისთვის გაწეული დანახარჯები წარმოუდგენლად მაღალი იყო, რამაც ბოლო კვირებში მისი ბრუნვა დააჩქარა.

მაღალი ინფლაციისა და მზარდი საპროცენტო განაკვეთის მიუხედავად 16 აგვისტოს ანგარიშში Walmart -მა მოსალოდნელზე მაღალი გაყიდვები აჩვენა.

„ჩვენ კვარტალი ძლიერ ნოტაზე  დავასრულეთ“ - აღნიშნა Walmart-ის ახალმა ფინანსურმა დირექტორმა დევიდ რეინმა. მისივე თქმით, მაღაზიებში ივლისსა და აგვისტოში ტრაფიკი საგრძნობლად გაიზარდა. როგორც რეინი აღნიშნავს “ სკოლაში დაბრუნების სეზონიც კარგად დაიწყო“

Home Depot-ში აცხადებენ, რომ ინფლაციისა და მაღალი საპროცენტო განაკვეთის მიუხედავად ამერიკელები სახლის მოწყობაზე დიდ თანხებს ხარჯავენ, რამაც Home Depot-ს რეკორდულად მაღალი შემოსავალი და გაზრდილი კვარტალური გაყიდვები მოუტანა.

Home Depot-ის  აღმასრულებელი დირექტორი ტედ დეკერი აღნიშნავს, რომ აშშ-ს ეკონომიკაში „ჯვარედინი დინებების“ მიუხედავად დანაზოგები, შრომის ბაზარი და ხელფასების ზრდა კვლავ ძლიერია.

Walmart-ის მომხმარებლებისგან ბევრმა ტანსაცმელსა და ზოგად საქონელზე ხარჯები შეამცირა, რადგან მათ ბენზინისა და სურსათის გადასახადები გაეზარდათ.

დაბალშემოსავლიანი მომხმარებლები ცდილობენ სასურსათო ხარჯების შემცირებას და ყიდულობენ ჰოთდოგებს, დაკონსერვებულ ტუნას და ქათამს,  აღნიშნა რეინმა,  თუმცა Walmart  - ის აღმასრულებელი დირექტორის დაგ მაკმილანის  თქმით კომპანია შეიძენს ბაზრის წილს, რადგან მაღალი შემოსავლის მქონე მყიდველები ფულის დაზოგვის  მიზნით მაღაზიებსა და ელექტრო კომერციის სერვისებს მიმართავენ.

სამომხმარებლო ხარჯებში არსებულმა ცვლილებებმა Walmart-ს  ჭარბი  მარაგები დაუტოვა, განსაკუთრებით კი  ტანსაცმელში.

Walmart-ის მარაგებმა ივლისის ბოლოს 60 მილიარდ დოლარს მიაღწია, რაც წლიურად 25 %-იანი  ზრდაა. რეინმა აღნიშნა, რომ Walmart-მა ზაფხულის სეზონური ინვენტარის უმეტესი ნაწილი გაყიდა, მაგრამ კვლავ ინახავს ელექტრონიკის, სახლისა მოწყობისა და სპორტული საქონლის ჭარბ მარაგებს.

Walmart წლიური საოპერაციო შემოსავლის 9- დან  11 პროცენტამდე შემცირებას ელის. თუმცა მოსალოდნელი იყო 11-დან 13 პროცენტამდე კლება.