ამერიკულმა Walt Disney Co.-მ, მსოფლიოში უმსხვილესმა გასართობმა მედიაკომპანიამ, კვარტალური მოგებისა და შემოსავლების ზრდის, ასევე ბიზნესის რეორგანიზაციის შესახებ გამოაცხადა, რაც დაახლოებით 7000 თანამშრომლის გათავისუფლებას გამოიწვევს.

MarketWatch-წერს, რომ კომპანიის ხელმძღვანელმა ბობ იგერმა 2022 წელს განაცხადა, რომ რეორგანიზაცია წელიწადში 5,5 მლრდ დოლარის ხარჯების შემცირებას და მასიურ გათავისუფლებას ითვალისწინებს. მაგრამ ხარჯების დაზოგვაში ახალი კონტენტის შექმნა არ მოიაზრებოდა.

იგერმა ასევე პირობა დადო, რომ განაახლებდა დივიდენდების გადახდას, რომელიც კოროვირუსული პანდემიის დროს შეჩერდა.

2023 წლის პირველ ფინანსურ კვარტალში (ოქტომბერი-დეკემბერი), Walt Disney-მ წმინდა მოგება და შემოსავალი, დიდწილად, გასართობი პარკების სეგმენტში ძლიერი მაჩვენებლების გამო გაზარდა. კომპანიის წმინდა შემოსავალმა, საანგარიშო პერიოდში, 1,28 მლრდ დოლარი, ანუ 70 ცენტი აქციაზე შეადგინა. წინა წლის ანალოგიურ პერიოდში წმინდა შემოსავალი 1,15 მლრდ აშშ დოლარი იყო, ანუ 63 ცენტი აქციაზე.

შემოსავალი გაიზარდა 8%-ით, 23,51 მილიარდ დოლარამდე.

მედიისა და გართობის უმსხვილესი განყოფილების შემოსავალი გაიზარდა მხოლოდ 1%-ით და 14,78 მილიარდ დოლარი გახდა.

სტრიმინგის სეგმენტის შემოსავალი 13%-ით, 5,31 მილიარდ დოლარამდე გაიზარდა, ტრადიციულმა სატელევიზიო ბიზნესმა შემოსავალი 5%-ით, 7,29 მილიარდ დოლარამდე შეამცირა. სეგმენტში კინობიზნესის ჩათვლით, შემოსავალი 2,46 მილიარდი აშშ დოლარი იყო (პროგნოზი 2,76 მილიარდი დოლარი იყო).

Disney+-ს კვარტლის ბოლოს 161,8 მილიონი აბონენტი ჰყავდა. ეს მონაცემი სამი თვის წინანდელზე (164,2 მილიონი) ნაკლებია. კლება მოსალოდნელი იყო და ის ანალიტიკოსების აზრით, გამოწერის ღირებულების ზრდით აიხსნება. ექსპერტები ვარაუდობდნენ, რომ Disney+-ის აბონენტების რაოდენობა 162,7 მილიონი იქნებოდა.

თემატური პარკების, საკრუიზო გემების, სამომხმარებლო პროდუქტებისა და ვიდეო თამაშების განყოფილება კვარტალში 21%-ით გაიზარდა და 8,74 მილიარდ დოლარამდე შემოსავალი გაიზარდა, მაშინ როცა ანალიტიკოსები 6,6 მილიარდ დოლარამდე შემცირებას ელოდნენ.

ამ მოხსენებებით, დისნეის აქციები 5.4%-ით გაიზარდა ოთხშაბათის დამატებით ვაჭრობაში. წლის დასაწყისიდან კომპანიის კაპიტალიზაცია 28,7%-ით გაიზარდა და 203,9 მილიარდი დოლარი შეადგინა.