მედიისა და გართობის მსოფლიოს უმსხვილესმა ამერიკულმა კომპანია Walt Disney-მ გასული წლის ბოლო კვარტალი მილიარდი დოალრის სუფთა მოგებითა და რეკორდული შემოსავლებით დაასრულა, რაც მის სტრიმინგ სერვისზე გაზრდილმა მოთხოვნამ და გართობის პარკებიდან მიღებულმა შემოსავალმა განაპირობა.
კომპანიის მიერ გავრცელებული პრეს-რელიზის მიხედვით, აღნიშნულ საანგარიშო პერიოდში სუფთა მოგებამ 1,15 მლრდ დოლარი, ხოლო შემოსავალმა 21,82 მლრდ დოლარი შეადგინა, მაშინ, როცა წინა წლის ანლოგიურ პერიოდში კომპანიამ მხოლოდ 16,25 მლრდ დოლარის შემოსავალი მიიღო. ორივე მაჩვენებლით Walt Disney-მ ანალიტიკოსების მოლოდინებს გადააჭარბა.
ამასთან, 14,5 მლრდ დოლარი მედიაბიზნესისა და გართობის განოყოფილების წილია, რაც 15%-ით გაიზარდა. ასევე, 11,8 მილიონით, ანუ 129,8 მილიონ მომხმარებლამდე გაიზარდა სტრიმინგ სერვის Disney+ის ბაზა, ხოლო ყველა სტრიმინგ სერვისის (ESPN+ და Hulu) გამომწერთა ჯამურმა რაოდენობამ 196,4 მილიონი შეადგინა.
თემატური პარკებიდან და საკრუიზო ხომალდების ბიზნესიდან კომპანიამ 7,23 მლრდ დოალრის შემოსავალი მიიღო, რაც ამ განყოფილების რეკორდული მაჩვენებელია, დანარჩენი შემოსავალი კი Walt Disney-ის კინობიზნესზმა მოუტანა.
პრეს-რელიზის გავრცელების შემდეგ, კომპანიის აქციების ფასი 8%-ით გაიზარდა.
bpn.ge