უკვე მე-15 წელია, კომპანია „ჯი-თი მოტორსი“ მსოფლიო ბრენდებთან აქტიურად თანამშრომლობს. ამ ეტაპზე, კომპანია საავტომობილო ინდუსტრიის ლიდერ ბრენდებს, Ford-ს, Jaguar-ს, Land Rover-სა და Suzuki-ს საქართველოში ექსკლუზიურად წარმოადგენს. 

მიუხედავად პანდემიით გამოწვეული სირთულეებისა, 2021 წელი „ჯი-თი მოტორსისთვის“ წარმატებული იყო. გუნდის ინტენსიური მუშაობის შედეგად, კომპანიამ “Ford Motor Company”-სთან მნიშვნელოვან შეთანხმებას მოაწერა ხელი. შეთანხმების მიხედვით, 2022 წლიდან „ჯი-თი მოტორსი“ Ford-ის ავტორიზებული იმპორტიორი გახდა არა მხოლოდ საქართველოში, არამედ - აზერბაიჯანშიც. მიმდინარე წლიდან კომპანია მსოფლიო ბრენდის რეგიონული წარმომადგენელია და ახალ შოურუმს აზერბაიჯანის დედაქალაქ ბაქოშიც გახსნის. 

„ჯი-თი მოტორსსა“ და „Ford Motor Company”-ს 14 წლიანი წარმატებული თანამშრომლობა აკავშირებთ. თუმცა, რეგიონული წარმომადგენლობის შესახებ შეთანხმება „ჯი-თი მოტორსის“ პირველი წარმატება არ არის. 14 წლის განმავლობაში, კომპანიას “Ford”-მა 8 საერთაშორისო ჯილდო მიანიჭა, რომელთაგანაც განსაკუთრებით აღსანიშნავია სიგელი Ford Europe-ის ისტორიაში ყველაზე დიდი კომერციული გარიგებისათვის. სწორედ ასეთი ნაყოფიერი თანამშრომლობის შედეგად შესთავაზა Ford-მა „ჯი-თი მოტორსს“ თანამშრომლობის გაღრმავება, რაც რეგიონული წარმომადგენლობის შეთანხმებით დასრულდა. 

2021 წარმატებული წელი იყო Jaguar Land Rover-თან თანამშრომლობის კუთხითაც. ამ ბრენდმა „ჯი-თი მოტორსი“ რამდენჯერმე აღიარა, როგორც ერთ-ერთი საუკეთესო წარმომადგენლობა რეგიონში. რეგიონი მოიცავს ისეთ ქვეყნებს, როგორიცაა არაბეთის გაერთიანებული ემირატები, საუდის არაბეთი, ყატარი, მაროკო, იორდანია და ომანი. ამ ქვეყნებში საკმაოდ ძლიერი დილერი კომპანიები ოპერირებენ და სწორედ ამიტომ, „ჯი-თი მოტორსის“ ერთ-ერთ საუკეთესო წარმომადგენლობად აღიარებას განსაკუთრებული მნიშვნელობა აქვს. კომპანია ბოლო ორი წლის განმავლობაში, საერთო მონაცემებით ტოპ ხუთეულში მოხვდა, ხოლო მომხმარებელთა მომსახურების კუთხით - ტოპ სამეულში. 

წარმატებული და ნაყოფიერი თანამშრომლობის შედეგია ისიც, რომ Jaguar Land Rover-მა სრულიად ახალი Range Rover-ის ერთ-ერთი ძვირადღირებული ფერისათვის საქართველოს ზღვისპირა ქალაქის სახელი შეარჩია. ქართველი მომხმარებელი ერთ-ერთი პირველი იქნება, ვინც Range Rover Batumi Gold-ს იხილავს. 

„ჯი-თი მოტორსი“ ყოველთვის მუშაობს იმაზე, რომ მომხმარებელს ავტოინდუსტრიის სიახლეები ერთ-ერთ პირველს გააცნოს. სწორედ ამ კომპანიამ, რეგიონში ერთ-ერთმა პირველმა წარადგინა სრულიად ელექტრო Jaguar I-Pace-იც, რაც ასევე მეტყველებს მსოფლიო ბრენდებთან ნაყოფიერ და წარმატებულ თანამშრომლობაზე. იმისათვის, რომ აღნიშნული მოდელის წარდგენის უფლება მიეღო, „ჯი-თი მოტორსმა“ მომზადების არაერთი ეტაპი გაიარა. განახლდა შოურუმი და სერვის ცენტრი, დამონტაჟდა სპეციალური დამტენები და, რაც მთავარია, ყველა თანამშრომელმა გაიარა გადამზადების კურსი. „ჯი-თი მოტორსმა“ იზრუნა იმაზეც, რომ ქართველი მომხმარებელი ყოფილიყო ერთ-ერთი პირველი, ვინც ახალი Land Rover Defender-ი იხილა. 

„ჯი-თი მოტორსი“ განვითარებაზე მუშაობას განაგრძობს, რასაც კომპანიის ბრუნვის ყოველწლიური ზრდაც ადასტურებს. ყველაზე რთულ პერიოდში, 2020 წელს, როდესაც მსოფლიო პანდემიის გამო ქვეყანა ჩაიკეტა, კომპანიაში პროგრესი მაინც შეინიშნებოდა. სწორედ ამ მოტივაციით, „ჯი-თი მოტორსი“ საქართველოს რეგიონებში განვითარებას გეგმავს. თუკი აქამდე კომპანია ბათუმში მხოლოდ ერთი ბრენდის შოურუმით იყო წარმოდგენილი, ახლა ყველა ბრენდის შოურუმის გახსნა იგეგმება, სრულფასოვანი მომსახურებით. „ჯი-თი მოტორსი“ აპირებს ბათუმში მოაწყოს საავტომობილო სერვისის სივრცე, რათა მომხმარებელს მაქსიმალური კომფორტი შეუქმნას.

მიმდინარე წელს, პანდემიის გარდა, მსოფლიო კიდევ ერთი გამოწვევის წინაშე დადგა. რუსეთ-უკრაინის ომი მთელი მსოფლიოსთვის, განსაკუთრებით კი ამ რეგიონისთვის დიდი ტრაგედიაა. „ჯი-თი მოტორსში“ ხაზგასმით აღნიშნავენ, რომ მხარს უჭერენ უკრაინასა და უკრაინელ ხალხს და მაქსიმალურად ცდილობენ, დახმარება გაუწიონ. მატერიალური მხარდაჭერის გარდა, ჰოლდინგის ქვეშ არსებულ სასტუმრო „ამერი პლაზაში“ უფასოდ არიან განთავსებულები საქართველოში დარჩენილი უკრაინელები. მათთვის შექმნილია მაქსიმალური კომფორტი და ყველანაირად არიან უზრუნველყოფილნი. 

 (R)