უკვე თითქმის ჩვეულ მოვლენად ქცეული მასიური და, სავარაუდოდ, კრემლის მიერ მართული ჰაკერული შეტევების ფონზე ამერიკის პრეზიდენტმა ბოლოს და ბოლოს თავის როს კოლეგას მშვიდად, მაგრამ მკაფიოდ დაუყენოს საკითხი - პუტინმა ეს აქტიურობა უნდა შეაჩეროს, წინაამღდეგ შემთხვევაში ამერიკა რუსეთის ეკონომიკაზე ზეწოლას გააძლიერებს.

ბოლო კიბერთავდასხმა, რომლის მსხვერპლიც პროგრამული უზრუნველყოფის ამერიკული კომპანია Kaseya გახდა, ძალიან მნიშვნელოვანია ბაიდენის ადმინისტრაციისთვის, რადგანაც ის შეეხო ათასობით მცირე და საშუალო კომპანიას როგორც შტატებში, ასევე ევროპაშიც.

წინასაარჩევნო კამპანიის დროს ბაიდენი ამომრჩევლებს დაპირდა, რომ საგარეო პოლიტიკას საშუალო კლასის ინტერესებში გაატარებს, რადგანაც „ეკონომიკური უსაფრთხოება - ეროვნული უსაფრთხოებაა“.

პუტინთან შეხვედრის შემდეგ აშშ-ის პრეზიდენტმა განაცხადა: „პასუხისმგებლიანმა ქვეყნებმა უნდა მიიღონ მკაცრი ზომები იმ დამნაშავეების წინააღმდეგ, რომლებიც მათი ტერიტორიიდან გამომძალველ ჰაკერულ შეტევებს ახორციელებენ“.

თუ ბოლო კიბერშეტევა ნაწილობრივ მაინც დაკავშირებულია რუსეთთან, ვითარება ბაიდენისგან საპასუხო ზომების მიღებას ითხოვს.

პასუხის მოფიქრების პროცესში ადმინისტრაციამ უნდა გაითვალისწინოს პოტენციური კავშირები რუსეთის უსაფრთხოების სამსახურებსა და ჰაკერულ ჯგუფ REvil-ს შორის. ადვილი შესაძლებელია, რომ საშუალო რანგის მაღალჩინოსნები მისი საქმიანობის შესახებ, როგორც მინიმუმ, კარგად ინფორმირებულები არიან.

თუ პუტინი ამ პრობლემის რეალურად მოგვარებას გადაწყვეტს, მისი სპეცსამსახურებისთვის ეს საკმაოდ ადვილი ამოცანა იქნება.

მოსკოვისთვის ტიპური პრაქტიკაა ყველაფრის უარყოფა. შესაძლოა პუტინი ჰაკერულ შეტევებს თავის უპირატესობად მიიჩნევს, რადგანაც ამით დასავლეთზე ზეწოლის სრულიად ახალ ბერკეტებს იღებს. მისი აზრით, რაც უფრო მეტ ზიანს მიაყენებენ კიბერდამნაშავეები ამერიკას, მით უფრო მეტ დათმობაზე წავა ბაიდენი.

ეს მოსაზრება არასათანადოდ გამოხატავს ვაშინგტონის მზადყოფნას, წინ აღუდგეს ასეთ ზეწოლას - თუმცა, სანამ ამერიკა მკვეთრ და ძლიერ პასუხს არ გასცემს, პუტინი ჰაკერების შეჩერებისთვის თავს არ შეიწუხებს.

ბაიდენს არ გააჩნია ფუფუნება, პუტინის მიერ დროის გაწელვას უსასრულოდ უყუროს - მან კრემლს მკვეთრი მესიჯი უნდა გაუგზავნის - მოსკოვმა დაუყოვნებლივ უნდა მოახდინოს დამნაშავეთა იდენტიფიცირება მის ტერიტორიაზე და სამომავლოდ კიბერშეტევები უნდა აღკვეთოს.

ამ შემთხვევაში ვაშინგტონი ვალდებულია რუსეთს დარტყმები მისთვის მტკივნეულ ადგილებში მიაყენოს და მსხვილი რუსული ენერგოკომპანიების წინაამღდეგ სანქციები შემოიღოს. ასევე ბაიდენს შეუძლია რუსული სახელმწიფო ობლიგაციების წინაამღდეგ უკვე არსებული სანქციების გაფართოება, რაც რუსეთისთვის საერთაშორისო ბაზრებზე ფინანსების მოზიდვას გაართულებს.

ასევე ბაიდენმა პუტინისგან პასუხი უახლოეს პერიოდში უნდა მოითხოვოს და არა რამდენიმე წლის შემდეგ.

ცხადია, რომ ასეთი ზომების მიღების შემთხვევაში პუტინმა შესაძლოა თანამშრომლობაზე უარი განაცხადოს და ეს ქმედებები ბლეფად ჩათვალოს - სანქციები ხომ რუსეთის გარდა ამერიკის ევროპელ პარტნიორებსაც დააზარალებს.

ამ შემთხვევაში ბაიდენს ბოლომდე წასვლა მოუწევს - ყოველგვარი ვაჭრობის, კომპრომისების, და დათმობების გარეშე.  პარალელურად ვაშინგტონმა უმდა მიიღოს ზომების ევროპელი პარტნიორების დანაკარგების შემცირებისთვის.

ბაიდენმა პუტინს მკვეთრი და  ცალსახა ულტიმატუმი უნდა წაუყენოს, და ამ გზას არავითარ შემთხვევაში არ გადაუხვიოს. წინაამღდეგ შემთხვევაში ჰაკერული შეტევები არ შეწყდება და ამერიკის წინაამღდეგ რუსეთის საყვარელი იარაღი გახდება.

washingtonpost.com