სააღდგომო სუფრის განუყოფელი ნაწილი, აღდგომის კვერცხთან ერთად სააღდგომო პასკაა, დღესასწაულის მოახლოებასთან ერთად სხვადასხვა საკონდიტროს თუ ქსელური მაღაზიების მხრიდან პასკებზე შეთავაზებები სულ უფრო აქტიურდება. „კომერსანტი“ დაინტერესდა რა ღირს წელს სააღდგომო პასკა და როგორი პასკებია ბაზარზე აქტუალური. როგორც აღმოჩნდა წელს სააღდგომო პასკის ფასი საშუალოდ 19 ლარიდან იწყება და 160 ლარამდეც კი ადის.
პრემიუმ პროდუქტების მაღაზიათა ქსელი გასტრონომი მომხმარებელს Fiasconaro-D&G-ას კოლაბორაციით შექმნილი „პანეტონეს“ სთავაზობს. პასკის 1 კგ-იანი შეფუთვის ღირებულება 159.90 ლარია.
შედარებით ფართო არჩევანი აქვს მაღაზიათა ქსელ აგროჰაბს, ჰიპერმარკეტი მოიმხმარებელს, სხვადასვხა ზომის, სხვადასხვა მორთულობის და შიგთავსის პასკებს სთავაზობს.
აგროჰაბში ტრადიციული 500 გრამიანი ქართული პასკა შაქრის ფხვნილით 11 ლარი ღირს, შეთავაზებაშია 800 გრამიანი იტალიური „პანტენოე“ ნუშით და ცუკატებთ, რომელიც 27 ლარი ღირს, იგივე პასკა ოღონდ 500 გრამიანი 19,50 ლარია. 1,2 კგ -იანი სადღესასწაული პასკა „აგროჰაბი“ , რომელიც შოკოლადის მინანქრით და ჩირებით არის მორთული 35 ლარია. აგროჰაბის ხაჭოს პასკის ღირებულება კი 45 ლარია.
კაფე „ლეგატოში“ პასკის ფასი 26 ლარიდან 65 ლარამდე მერყეობს.
მაგალითად პასკა დეკორით, შოკოლადის მინანქრით და ქიშმიშით 65 ლარი ღირს, შოკოლადის მინანქრით და შიგთავსით 55 ლარი, იგივე პასკა 440 გრამიან შეფუთვაში 30 ლარი ღირს. ტრადიციული შაქრის ფხვნილით მორთული პასკის ფასი 26 ლარია და მისი წონა 440 გრამს შეადგენს.
სააღდგომოდ ჩირისა და ჩურჩხელების მწარმოებელმა კომპანია “ჩირჩხელამ“ მომხმარებელს ჩირებით მორთული პასკები შესთავაზა, 1 კგ პასკის ღირებულება 130 ლარს შეადგენს.
ქართული ნატურალური ჩირის და პროდუქტების კომპანია „სკიჯის“ პასკების ფასი 50 ლარიდან იწყება და 59 ლარამდე ადის. როგორც მწარმოებელი ახასიათებს მისი პასკები „გურული ხილის ჩირებით, ბუნებრივი, არომატული, დასამახსოვრებელი გემოებით, გამშვენიერებული ტყეში დაკრეფილი იებით და სკიჯის ხელნაკეთი კანფეტებით გამოირჩევა, რომელიც იდეალურად ერწყმის კლასიკურ, მძიმე, სველ, ტკბილ და ნოტიო პასკას“
საკონდიტრო „ჩიზქეიქერმა“ წინასწარი შეკვეთების მიღება 15 მარტიდან დაიწყო. მიწოდების პერიოდი კი 20 მარტიდან 15 აპრილის ჩათვლითაა.
„ჩიზქეიქერის“ პასკების ფასი წონისა და შემადგენლობის მიხედვით განსხვავდება
ტრადიციული პასკა ქიშმიშით - 850 გრ. 33 ლარი / 250 გრ. 11 ლარი
ტრადიციული პასკა ქიშმიშით, თეთრი შოკოლადით და ნუშის ფანტელებით - 850 გრ. 35 ლარი / 250 გრ. 13 ლარი
ტრადიციული პასკა ქიშმიშით და მარშმელოუს და ვარდის დეკორით - 850 გრ. 35 ლარი / 250 გრ. 13 ლარი
ტრადიციული პასკა ფორთოხლის ცუკატებით და შავი შოკოლადით - 850 გრ. 35 ლარი / 250 გრ. 13 ლარი
კომპანია განსაკუთრებულ შეთავაზებასაც უკეთებს მომხმარებელს და 3 დიდი პასკის შეკვეთას 90 ლარად სთავაზობს.
პასკა
