„წიაღის შესახებ“ საქართველოს კანონში ცვლილების შეტანის თაობაზე“ კანონპროექტი წიაღის ეროვნული სააგენტოს სახელის ცვლილებას ითვალისწინებს. ინფორმაციას პარლამენტის პრესსამსახური ავრცელებს.

„კანონპროექტი დღეს დარგობრივი ეკონომიკისა და ეკონომიკური პოლიტიკის კომიტეტში განსახილველად ეკონომიკისა და მდგრადი განვითარების მინისტრის პირველმა მოადგილემ, ოთარ დანელიამ წარმოადგინა.

მისი თქმით, ევროპის რეკონსტრუქციისა და განვითარების ბანკის მხარდაჭერით, მიმდინარეობს მნიშვნელოვანი რეფორმა, რომელიც თვისობრივად ცვლის სააგენტოს ფუნქციონირებას, ასევე, იცვლება მისი სახელწოდებაც და ის საქმიანობას სსიპ მინერალური რესურსების ეროვნული სააგენტოს სახელწოდებით გააგრძელებს.

შესაბამისი ცვლილება ხორციელდება კანონებში: „საქართველოს ადმინისტრაციულ სამართალდარღვევათა კოდექსში“, „საქართველოს საგადასახადო კოდექსში “, „რეგულირების საფასურის შესახებ“ საქართველოს კანონში, „სამეწარმეო საქმიანობის კონტროლის შესახებ“ კანონში და „სახელმწიფო ბაჟის შესახებ“ კანონში, ასევე, შესაბამის კანონქვემდებარე აქტებში.

კომიტეტმა მხარი დაუჭირა კანონპროექტთა პაკეტს“ – ნათქვამია ინფორმაციაში.