საყოფაცხოვრებო ტექნიკის მაღაზიათა ქსელ Beko-ს გენერალური დირექტორი მეჰმედ მელექი „კომერსანტთან“ აცხადებს, რომ მიმდინარე წელი ტექნიკის გაყიდვის კუთხით დადებითი ტენდენციაა და წინა წლის ანალოგიურ პერიოდთან შედარებით გაყიდვები 15% -ით არის გაზრდილი. რაც შეეხება ფასებს, მეჰქმედ მელქი ამბობს, რომ წლის განმავლობაში ფასების დაკორექტირდება რამდენჯერმე მოუწიათ.
„გაყიდვების კუთხით წელი ძალიან კარგად მიდის, წინა წლის ანალოგიურ პერიოდთან შედარებით გაყიდვები 15%-ით გვაქვს გაზრდილი, რამაც მოლოდინებს გადააჭარბა. პანდემიამდელ მეჩვენებელს ჩვენ 2021 წელს დავუბრუნდით, ხოლო წელს უკვე გადავაჭარბეთ.
რაც შეეხება ფასებს, გამომდინარე იქიდან, რომ მსოფლიოს ბაზარზე ყველაფერი გაძვირდა, ფასების დაკორექტირება რამდენჯერმე მოგვიწია.
„გაძვირებულია არმატურა, ჟეშტი, გადაზიდვები და ა.შ. ეს ყველაფერი კი ფასზე ყოველთვის აისახება, წლის დასაწყისში ტექნიკაზე ფასი 3-4% ით გაიზარდა შემდეგ კიდევ მოგვიწია გაძვირება, მაგრამ 15 აგვისტოს შემდეგ, როდესაც ლარმა გამყარება დაიწყო ფასები ჩვენც დავწიეთ, რითაც ფასნამატის დარეგულირება მოვახერხეთ“, - აღნიშნა მეჰმედ მელექმა.
25 ოქტომბერს Beko - ს საქართველოში 25 წელი უსრულდება, იუბილეს Beko გრანდიოზული ღონისძიებით აღნიშნავს. მანამდე კი ორ ახალ ფილიალს ზუგდიდში და სამტრედიაში გახსნის.
„ჩვენ არ ვჩერდებით, სხვადასხვა რეგიონებში ყოველთვის ვეძებთ პარტნიორებს, ახალ სავაჭრო წერტილებს და ახალ მაღაზიებს ვამატებთ, ამ კვირის ბოლოს ზუგდიდში Beko-ს ახალი მაღაზია გაიხსნება. ასევე მაღაზიის გახსნას ვგეგმავთ სამტრედიაშიც. ზოგადად ვფიქრობ, რომ რეგიონებში ძალიან ძლიერები ვართ და საკმაოდ მაღალი გაყიდვები გვაქვს“, - აღნიშნა მეჰმედ მელექმა.
Beko 25 წელია, რაც საქართველოს ბაზარზე ოპერირებს, დღეის მდგომარეობით კომპანიას საქართველოს მასშტაბით 98 სავაჭრო წერტილი აქვს, აქედან 77 მაღაზიაა.
თაკო კვაჭანტირაძე