დაახლოებით 2 თვეა, რაც საქართველოში ყველა დიდი წისქვილ-კომბინატი გაჩერებულია.
კერძო სექტორი მთავარობას ამუშავების ახალ სქემას სთავაზობს და იმ პრობლემებზე საუბრობს, რაც მათი დარგის გაჩერებით ქვეყნას ექმნება. ხორბლისა და ფქვილის მწარმოებელთა ასოციაციის ხელმძღვანელი ლევან სილაგავა რადიო ,,პალიტრასა“ და ,,პალიტრანიუსის“ გადაცემაში ,,საქმე“ აცხადებს, რომ რაც მეტი დრო გადის, წისქვილების ამოქმედება რთულდება.
,,წინსქვილ კომბინატები გაჩერდა, მაგრამ პურის ფასი მაინც ყოველ 2 თვეში იზრდება. ამით ნათელია, რომ მიდგომა, რომელიც აქამდე იყო, არ ამართლებს. შესაბამისად, ჩენ ვფიქრობთ, რომ ჩვენი შეთავაზებები რელევანტურია. ასევე, შესაძლებელია მთავრობამ მათი მოდიფიცირება მოახდინოს. ეს სრულად რეალურია. ამ დროს, რაც დრო გადის, მით უფრო პრობლემდება წისქვილ კომბინატების ამუშავება. ადამიანებმა, რომლებიც ჩვენთან იყვნენ დასაქმებული, სხვა სამუშაო იპოვეს ან ეძებენ, ჩვენ სტაბილურობას ვერ ვთავაზობთ და ეს გასაგებია. ასე რომ, დრო ჩვენს სასარგებლოდ არ მუშაობს“ - განაცხადა სილაგავამ.
მისივე თქმით, განსაკუთებით მწვავავედ სასურსათო უსაფრთხოების თემა საქართველოს შემოდგომიდან დაუდგება.
,,ჩვენ შეგვიძლია ვთქვათ, რომ ხორბლის ფასი, დიდწილად პოლიტიკურ ფაქტორზეა დამოკიდებული. მათ შორის იმაზეც, უკრაინის დაბლოკილი პორტებიდან მოხდება თუ ვერა პროდუქციის გამოატანა. ხორბლის მოსავლის წინაპირობები მხოლოდ რუსეთშია გაზრდილი და წინასწარი ინფორმაციით, უკრაინაში მხოლოდ ნათესების 50%-ის აღებას შეძლებენ. ევროკავშირში, სამწუხაროდ, ცუდი პროგნოზია, დანარჩენ მსოფლიოში. მათ შორის ყაზახეთში, მოსავლის აღება შემოდგომიდან დაიწყება. შესაბამისად, ეს არის მთელი კონტექსტში, რის შედეგადაც რთული წელი გველოდება. ჩვენთვის მნიშვნელოვანია, სასურსათო უსაფრთხოების თემა, რადგან დღეს გარკვეული ბალანსი და სტაბილურობის შეგრძნება გვაქვს, მათ შორის, ადგილობრივი მოსავლის აღების გამო, რომელიც მცირეა, მაგრამ მაინც მნიშვნელოვანია. შემოდგომიდან კი, სასურსათო უსაფრთხოების თემა კვლავ წამოიწევს და ამისთვის უნდა მოვემზადოთ“, - განაცხადა სილაგავამ ,,საქმეში“.
დიდ წისქვილკომბინატებს, რომელთაგანაც დღეს ფუნქციონირება ყველას შეჩერებული აქვს, მიაჩნიათ, რომ პურის ფასს უფრო ეფექტიანად დაიცავს ხორბლის მუდმივი მარაგების არსებობა, რადგან მარაგები მუდმივად განახლებადია და ხარჯვის პარალელურად ივსება ახალი გარდამავალი მარაგებით, შედეგად ბაზარზე ფქვილი გამოდის რყევების გარეშე, საშუალო შეწონილ ფასად სტაბილური მიწოდებით და სასურსათო უსაფრთხოება ხორბალში მარაგით არის დაცული.
BPN.GE