რადიო “კომერსანტის“ ეთერში, გიორგი აბაშიშვილის საავტორო გადაცემაში „ბიზნესინსაიდერი“ ISET-ის კვლევითი ინსტიტუტის წამყვანმა ეკონომისტმა გიორგი პაპავამ ევროკავშირის კანდიდატი ქვეყნის სტატუსის თვითშეფასების კითხვარი შეაფასა და აღნიშნა, რომ ევროკავშირის კითხვარის ახლა მიღება ერთის მხრივ შესაძლებლობაც არის და გამოწვევაც. წამყვანის კითხვაზე უფრო მზად ხომ არ ვიქნებოდით რომ ეს კითხვარი პირობითად 2024 წელს მიგვეღო გიორგი პაპავა პასუოხობს, რომ შესაძლოა ამ ორ წელიწადში რაღაც დამატებით გაუარესებულიყო.
“ერთის მხრივ წმინდა პოლიტიკური კონტექსტიდან გამომდინარე ამ შანსის არ გამოყენება არ შეიძლებოდა, თუმცა თუ პირობითად კიდევ ორი წელი გვექნებოდა ეს ერთის მხრივ შესაძლებლობა, თუმცა მეორეს მხრივ გამოწვევაც არის რადგან შეიძლება არის რიგი მიმართულებები რომელშიც ქვეყანა არც თუ ისე სწორად ვითარდება და შეიძლება ამ ორ წელში დამატებით რაღაც გაუარესებულიყო. ამიტომ ცალსახად იმის თქმა რომ 2024 წელს უფრო მზად ვიქნებოდით ვიდრე ახლა ვართ, რთულია“, - განაცხადა გიორგი პაპავამ.
„თითქოს ასეა, მაგრამ ხანდახან მაშინებს ის რიგი გადაწყვეტილებები რასაც მთავრობა იღებს და ამ რაღაცებს გაფუჭებას, იგივე პოლიტიკური პოლარიზაცია იქნება ეს სასამართლო რეფორმა თუ სხვა ისევ ხომ არ ჯობია, რომ ახლა რაღაც ვალდებულება ავიღოთ, რომ იქნებ რაღაცეები შევცვალოთ, ვიდრე ეს ყველაფერი ისე მივიყვანოთ ბოლომდე ჩვენ როგორც ვხედავთ და მერე რაღაც ფაქტის წინაშე დავდგეთ , რომ შეიძლება რამე რეფორმა არასწორად იყოს გატარებული.
მაგალითად შარშან ევროკავშირისგან ვალი არ ავიღეთ , იმ ვალს რაღაც რეფორმები მოჰყვებოდა, მაგრამ ჩვენ თითქოს ამ რეფორმებზე ირიბად ვთქვით უარი, შესაბამისად რამდენიმე ეგეთი გადაწყვეტილება რომ დაგროვდეს გაგვიჭირდება იმის დემონსტრირება, რომ ქვეყანა სწორი მიმართულებით მიდის და რეალურად დღის წესრიგს ითვალისწინებს და რეალურად ატარებს ამ რეფორმებს“ - აღნიშნა გიორგი პაპავამ.
თაკო კვაჭანტირაძე
გიორგი პაპავა 
