მიტანის სერვისის გლობალური კომპანიების ქართულმა შვილობილებმა 2021 წლის ფინანსური ანგარიშგებები გაასაჯაროვეს. ანგარიშგებების თანახმად, გასულ წელს „ვოლტმა” 34.46 მილიონი ლარის (ზრდა წინა წელთან შედარებით 19 მლნ ლარი) ამონაგები მიიღო, ხოლო „გლოვოს” შემოსავალი 33.93 მილიონი (ზრდა წინა წელთან შედარებით 13.3 მლნ. ლარი) იყო.
განსხვავებული იყო კონკურენტი კომპანიების მოგება-ზარალიც, თუ 2021 წელს „ვოლტი“ 2.3 მლნ ლარის მოგებაზე გავიდა, „გლოვომ“ გასული წელი 13.67 მლნ ლარის ზარალით დაასრულა. აღსანიშნავია რომ „გლოვო“ ბოლო წლებში ზარალზე იყო, „ვოლტი“ კი მოგებაზე გადიოდა (2020 წელს 409 391 ლარი). ანგარიშგებების მიხედვით, „გლოვოს“ ზარალის მთავარი მიზეზი სათაო ოფისის მომსახურების ხარჯების დაფარვა იყო, რომელმაც 15.57 მლნ ლარი შეადგინა.
„ვოლტმა” გასულ წელს კურიერების მოზიდვაზე 25.4 მილიონი ლარი დახარჯა, ხოლო „გლოვომ” 13.6 მილიონი ლარი. რაც შეეხება ადმინისტრაციის შრომის ანაზრაურებას, 2021 წელს „ვოლტმა“ 3.2 მლნ ლარი, ხოლო „გლოვომ“ 1.8 მლნ ლარი გასცა.
ფინანსური ანგარიშის მიხედვით, „ვოლტის” აქტივები 12.6 მილიონ ლარს შეადგენს, ხოლო კაპიტალი 12.59 მლნ ლარს. „გლოვოს” აქტივები 15 მილიონი ლარისგან შედგება, სულ ვალდებულებები და საკუთარი კაპიტალი კი 15 მლნ. ლარია.
„გლოვოს“ წარმომადგენლობა კომპანიის ზარალთან დაკავშირებით განმარტებას აკეთებს. კომპანიის ინფორმაციით, 2021 წელს ზარალი განპირობებული იყო იმით, რომ „გლოვო“ საკუთარი ქსელის განვითარებისთვის ინვესტიციებს დებს.
Glovo, როგორც ლიდერი მულტი კატეგორიული პლატფორმა საქართველოს ბაზარზე, უკვე ოთხი წელია ქმნის უნიკალურ შესაᲫლებლობებს მომხმარებლებისთვის, პარტნიორი კომპანიებისა თუ კურიერებისთვის.
ჩვენი ლიდერობა, ამ ეტაპზე არ არის გამოხატული კონკრეტულ მომგებიან ციფრებში, ვინაიდან კომპანიის განვითარების ამ ეტაპზე Ჩვენი სტრატეგიული გადაწყვეტილებაა მაქსიმალურად ეფექტიანი ბიზნეს გარემო Შევქმნათ ჩვენი პარტნიორებისთვის რაც კვლავ ემსახურება Ჩვენს საერთო მიზანს მომხმარებლების კომფორტის ზრდას და კმაყოფილებას რომელიც თავისმხრივ აისახება ჩვენი ლოიალური მომხმარებლების ზრდის პოზიტიურ დინამიკაში რასაც უკვე წლებია წარმატებით ვართმევთ თავს.
დღეს, ჩვენთვის, მნიშვნელოვანია, მრავალფეროვანი სერვისების Შეთავაზება, ინოვაციურ პროექტებზე მუᲨაობა და მდგრად განვითარებაზე ფოკუსირება.
რა თქმა უნდა მომგებიანობა Ჩვენთვის მნიᲨვნელოვანი ეტაპია კომპანიის განვითარების გზაზე რომელისკენაც მივდივართ სწრაფი და ამავდროულად Ჩვენი სტრატეგიის Შესაბამისი ტემპებით. თუმცა, როგორც აღვნიშნე, ამ მომენტისთვის სრულად ვართ ორიენტირებული ინოვაციურ პროექტებზე, ახალი პარტნიორებისა და კურიერების მოზიდვაზე, რომ მომხმარებლებისთვის ყველა პროდუქტი და სერვისი გავხადოთ ხელმისაწვდომი.” - განმარტავს Glovo საქართველოს ფინანსური დირექტორი, საბა მჭედლიშვილი.