წვის პროცესი- ტოქსიკური ნივთიერებების და კარცენოგენების მთავარი წყარო.
თამბაქოს მოხმარებასთან დაკავშირებული დაავადებების მთავარ გამომწვევ მიზეზს თამბაქოს კვამლში არსებული ტოქსიკური ნივთიერებები წარმოადგენს - ვკითხულობთ სამეცნიერო კვლევებში.
შესაბამისად, თამბაქოს მოხმარებასთან დაკავშირებული დაავადებების მთავარ გამომწვევ მიზეზად სახელდება წვა - ქიმიური პროცესი, რომლის დროსაც ტემპერატურა სიგარეტის წვერში აღწევს 800 ან რომელიც მიმდინარეობს 400 ზე მაღალ ტემპერატურაზე
ქიმიური პროცესები წვის უკან
იმისათვის, რომ წვის ქიმიური პროცესი წარიმართოს, სამი ელემენტი არის საჭირო, ესენია: საწვავი, ტემპერატურა და ჟანგბადი. ნებისმიერი ელემენტის არ არსებობა კი წვის პროცესის შეწყვეტას იწვევს.
თამბაქოს წვის შედეგად 6000-მდე ტოქსიკური ნივთიერება გამოიყოფა, რომელიც მოწევასთან დაკავშირებული დაავადებების მთავარ გამომწვევ მიზეზად სახელდება.
აშშ-ს საკვებისა და მედიკამენტების ადმინისტრაციამ, Health Canada-მ და მსოფლიო ჯანდაცვის ორგანიზაციამ შეიმუშავეს სია, რომელიც მოიცავს თამბაქოს კვამლში შემავალი მავნე და პოტენციურად მავნე ქიმიური ნივთიერებების სიას. მეცნიერები აღნიშნავენ, რომ სწორედ ამ ნივთიერებების ჩასუნთქვა იწვევს კიბოს, გულსისხლძარღვთა და სასუნთქი სისტემის დაავადებებს.
რა მოხდება თუ უგულებელვყოფთ წვას?
მოწევასთან დაკავშირებული ზიანის შემცირების მიზნით შეიქმნა ნიკოტინის შემცველი თამბაქოს უკვამლო მოწყობილობები, რომლებიც თამბაქოს ღერს გარკვეულ ტემპერატურამდე ახურებენ ისე, რომ არ იწვევენ მის წვას. შესაბამისად, არ გამოყოფენ კვამლს - მოწევასთან დაკავშირებული დაავადებების მთავარ გამომწვევ მიზეზს - არამედ გამოყოფენ აეროზოლს, რომელიც დაახლოებით 90-95%-ით ნაკლებ ტოქსიურ ნივთიერებას შეიცავს.
რა შესაძლებლობას ატარებს თამბაქოს უკვამლო მოწყობილობები?
გავლენიანი ჯანდაცვის ორგანიზაციები, მათ შორის ინგლისის ჯანდაცვის ინსტიტუტი Public Health England მიიჩნევენ, რომ ტრადიციულ მოწევასთან შედარებით, ნიკოტინის შემცველა ალტერნატიულ პროდუქტების მოხმარებაზე გადასვლას აქვს შესაძლებლობა, შეამციროს მწეველისა და მის გარშემომყოფთათვის მიყენებული ზიანი.
თუმცა, მეცნიერები აღნიშნავენ, რომ 90-95%-ით შემცირებული ქიმიური ნივთიერებების რაოდენობა არ გულისხმობს 90-95%-ით შემცირებულ რისკს. რაც ნიშნავს იმას, რომ მოწყობილობა არ არის სრულიად უსაფრთხო.
ხელმისაწვდომი სამეცნიერო კვლევების გათვალისწინებით შეიძლება ითქვას, რომ თამბაქოს უკვამლო მოწყობილობების დახმარებით შესაძლებელია საზოგადოებრივი ჯანდაცვის გაუმჯობესება და თამბაქოს კვამლისგან თავისუფალი მომავლის განხორციელება.
(R)