2020 წლის ნოემბერში სურსათის მსოფლიო ორგანიზაციამ (FAO) განაცხადა, რომ უახლოეს წლებში კაცობრიობას მასობრივი შიმშილის პრობლემა ემუქრება. ამ კუთხით პანდემიის თანმხლები ზიანი შესაძლოა თავად დაავადებაზე მძიმე აღმოჩნდეს.
ჯერ კიდევ პანდემიამდე FAO-ს მონაცემებით მსოფლიო მასშტაბში 820 მლნ.- ზე მეტი ადამიანი არასაკმარისად იკვებებოდა. იმის გათვალისწინებით, რომ 2050 წლისთვის დედამიწის მოსახლეობა 2 მლრდ. ადამიანით გაიზრდება, იაფ და ჯანმრთელ კვებასთან ხელმისაწვდომობას გადამწყვეტი მნიშვნელობა ენიჭება. ამიტომაც სოფლის მეურნეობაში და კვების წარმოებაში აუცილებელია ახალი ტექნოლოგიები.
McKinsey-ს კვლევის შედეგების თანახმად, ბიოლოგიური ინოვაციები ამ დარგებში მოგებას 10-15 წლის მანძილზე 1,2 ტრლნ. დოლარით გაზრდის. დღეისთვის კვების მრეწველობის და სოფლის მეურნეობის მოგება მსოფლიო მასშტაბში წელიწადში 5 ტრლნ. დოლარს შეადგენს.
ყველაზე დიდი პერსპექტივები ინოვაციებს ისეთ დარგებში აქვს, როგორც ალტერნატიული ცილები, სელექცია მარკერების გამოყენებით, მცენარეების და ცხოველების გენური ინჟინერია.
ერთ-ერთი ყველაზე მნიშვნელოვანი თემაა - ხორცის შემცვლელი პროდუქტები. დღეს უკვე არაერთი მცენარეული შემცვლელი არსებობს, თუმცა ეს შემცვლელებია, რომლებსაც ხორცთან საერთო მხოლოდ ნივთიერებების შემადგენლობის კუთხით აქვს.
უახლოეს ათწლეულებში ვაჭრობაში ხელოვნური ხორცი გამოჩნდება, რომელიც ლაბორატორიაში გაზრდილი კუნთოვანი ქსოვილიდან იქნება წარმოებული. და ეს სწორედ ხორცი იქნება და არა სოიო ან სხვა მცენარე.
2020 წლის დეკემბერში სინგაპურის მთავრობამ ამერიკული კომპანია Eat Just-ის მიერ შექმნილი ხელოვნული ქათმის ხორცის გაყიდვისთვის საჭირო ნებართვა გასცა. მომავალი 10 წლის მანძილზე კულტივირებული ხორცის ღირებულება შესაძლოა ჩვეულებრივი, ბუნებრივი პროდუქტის ფასს გაუტოლდეს.
მზგავსი ბიოლოგიური ინოვაციები მნიშვნელოვან როლს არა მხოლოდ შიმშილის დაძლევაში, არამედ კლიმატური ცვლილებების რისკების შემცირებაში შეასრულებენ.
FAO-ს მონაცემებით, სასათბურე გაზებით ატმოსფეროს დაბინძურების მთლიანი მოცულობის 14.5% სწორედ მეცხოველებიბაზე მოდის. ასევე ხორცის, რძის და კვერცხის წარმოებისთვის გამოიყენება მსოფლიოში არსებული სასოფლო-სამეურნეო მიწების მესამედი.
ტყეების გაჩეხვაშიც გადამწყვეტი როლს ასევე სოფლის მეურნეობა ასრულებს - სწორედ აგრარულ სექტორზე მოდის ყინულის და უდაბნოებისგან თავისუფალი მიწების 43%.
ხელოვნური პროდუქტის წარმოება 89% -ით ნაკლებ გაზებს გამოყოფს, ვიდრე ბუნებრივი საქონლის ხორცის, რაც ძალიან მნიშვნელოვანია კლიმატური ცვლილებების პირობებში.
ლაბორატორიაში შექმნილ ხორცს ბაზარზე გასვლის და მასზე ადგილის დამკვიდრებისთვის ბევრი დრო დასჭირდება, თუმცა, როდესაც ეს ბოლოს და ბოლოს მოხდება, ეს გენურ ინჟინერიაში ნამდვილი გადატრიალება იქნება.
დღეს რეგულაციები და საზოგადოებრივი აზრი ამ საკითხზე დიდ როლს თამაშობენ. ევროკავშირის 19 ქვეყანაში გენური ინჟინერიით მიღებული სასურსათო პროდუქტების გაყიდვა დღესაც აკრძალულია.
რა თქმა უნდა, უსაფრთხოება პირველი რიგის პრიორიტეტია, თუმცა, იმის შემდეგ, რაც ტექნოლოგიები იმ დონეს მიაღწევენ, რომ მარეგულირებელი ორგანოების ყველა მოთხოვნა შესრულებული იქნება, კაცობრიობას ბიორევოლუცია ელის. და ეს იმაზე მალე იქნება, ვიდრე ბევრს წარმოუდგენია.
წყარო: project-syndicate.org
ხელოვნური ხორცი
