ადმინისტრაციული გამყოფი ხაზის მიმდებარე სოფელ ყარაფილაში, ხვალ, 30 სექტემბერს, ნატურალური სასმელების საწარმო „კომბუჩა“ გაიხსნება. კომპანია სრულიად ახალ, ფერმენტირებული ჩაისგან მიღებულ, ბუნებრივად გაზიან ჯანსაღ სასმელს აწარმოებს.

„კომბუჩას“ საწარმოს მშენებლობას საფუძველი 2020 წლის ზაფხულში ჩაეყარა და ის „საპარტნიორო ფონდისა“ და USAID-ის პროექტის „ზრდა საქართველოში“ თანადაფინანსებით შეიქმნა. აღნიშნული პროექტის განხორციელებისათვის გაწეულმა ინვესტიციამ 1, 500, 000 ლარზე მეტი შეადგინა.

აღსანიშნავია, რომ „კომბუჩა“ ადგილობრივი ნედლეულით იწარმოება. საწარმოში კი სოფლის ადგილობრივი მოსახლეობა დასაქმდება. პროდუქცია საქართველოს ბაზარზე სხვადასხვა სავაჭრო ქსელებში გაიყიდება და მომავალში მისი ექსპორტიც განხორციელდება. 

საწარმოს ოფიციალურად ხვალ ამერიკის შეერთებული შტატების ელჩი საქართველოში კელი დეგნანი,  სს „საპარტნიორო ფონდის“ აღმასრულებელი დირექტორი დავით საგანელიძე და USAID-ის პროექტის „ზრდა საქართველოში“  ხელმძღვანელი ქეთევან ჭუმბურიძე გახსნიან.

2019-2021 წლებში სს „საპატრნიორო ფონდის“ პროგრამა „სტარტაპ საქართველოს“ და USAID-ის პროექტის „ზრდა საქართველოში“  პარტნიორობის ფარგლებში საქართველოს რეგიონებში ხუთი სტარტაპ პროექტი დაფინანსდა.