ყაზახური აქტაუს პორტის თავისუფალ ეკონომიკურ ზონაში ე.წ. საკონტეინერო ჰაბი შეიქმნება, რისი მიზანიც ტრანსკასპიური საერთაშორისო სატრანსპორტო მარშრუტით გადაზიდვების განვითარებაა. ამის შესახებ სააგენტო Trend-ს ყაზახეთის მრეწველობისა და ინფრასტრუქტურის განვითარების სამინისტროში განუცხადეს.
ინვესტორის დასადგენად საერთაშორისო კონკურსი ჩატარდება. ყაზახუს მხარეს სურს, მსოფლიოს წამყვანი საკონტეინერო ოპერატორები მიიზიდოს, როგორიც არის PSA International, Maersk და MSC.
ამასთან, კერძო ბიზნესის ჩართულობით გათვალისწინებულია სავაჭრო ფლოტის ოთხი ბორნით შევსება. სამინისტრო, ასევე, 2025 წლამდე გეგმავს არაერთი პროექტის განხორციელებას ეროვნული პროგრამის ფარგლებში, რომლის სახელწოდებაც არის „ძლიერი რეგიონები - ყაზახეთის განვითარების დრაივერი.“
პროექტის ფარგლებში, 2022–2025 წლებში დოსტიკ-მოიინტის სარკინიგზო მონაკვეთის მეორე ლიანდაგის მშენებლობა და ელექტრიფიკაცია არის დაგეგმილი, რომლის რეალიზებაც საკონტეინერო მატარებლებს უფო ააჩქარებს და მონაკვეთის გამტარუნარიანობას ხუთჯერ გაზრდის.
ასევე, 2022-2023 წლებში ალმათაში შემოვლითი რკინიგზის სადგური აშენდება. ინფრასტრუქტურის სამინისტროში აცხადებენ, რომ ამ პროექტის განხორციელება ორი დღით შეამცირებს სატრანზიტო ტვირთის ტრანსპორტირების დროს და ალმათის სადგურსაც 40%-ით განტვირთავს.
ამასთან, 2025 წლისთვის ყაზახეთში 12 000 კილომეტრის სიგრძის გზები დაიგება და განახლდება.