ყაზახეთმა გადაწყვიტა მოხსნას შეზღუდვები მარცვლეულისა და ფქვილის ექსპორტზე და დააწესოს კვოტა მსხვილფეხა რქოსანი და წვრილფეხა პირუტყვის ექსპორტზე, ნათქვამია ქვეყნის პრემიერ-მინისტრის ვებგვერდზე გამოქვეყნებულ ინფორმაციაში.
შესაბამისი გადაწყვეტილებ ყაზახეთის საგარეო სავაჭრო პოლიტიკისა და საერთაშორისო ეკონომიკურ ორგანიზაციებში მონაწილეობის უწყებათაშორისი კომისიის სხდომაზე მიიღეს.
რეგიონთაშორისი კომისიის სხდომაზე წარმოდგენილი სოფლის მეურნეობის სამინისტროს ინფორმაციით, ყაზახეთში „მარცვლეულის კარგი მოსავალია“ მოსალოდნელი.
„წელს იგეგმება 13 მილიონ ტონაზე მეტი ხორბლის მოსავლის აღება, რაც შარშანდელ მოსავალს 12%-ით აჭარბებს, შიდა მოხმარებისთვის დაახლოებით 6,5 მილიონი ტონაა საჭირო. რაოდენობრივი შეზღუდვების (კვოტების) მოხსნის მიზანშეწონილობის ყოვლისმომცველი განხილვის შემდეგ, ხორბლისა და მესლინის, ხორბლის ფქვილის ექსპორტზე გადაწყდა, რომ 2022 წლის 10 სექტემბრიდან მოხსნას შეზღუდვები“, - ნათქვამია განცხადებაში.
როგორც ცნობილია, ეს შეზღუდვა სოფლის მეურნეობის სამინისტროს ბრძანებით 2022 წლის 8 ივლისიდან 30 სექტემბრის ჩათვლით ამოქმედდა.
სხდომაზე ასევე დამტკიცდა მსხვილფეხა რქოსანი პირუტყვისა და წვრილფეხა პირუტყვის ექსპორტზე რაოდენობრივი შეზღუდვების (კვოტების) დაწესება, გარდა სანაშენე მარაგისა.
აღსანიშნავია, რომ 2022 წლის 7 თვეში საქართველომ ყაზახეთიდან 3 703 ტონა ხორბალი და მესლინი შეიძინა, ხოლო ფქვილის იმპორტმა 204 ტონა შეადგინა.