ყაზახეთის მიზანია ნავთობის ექსპორტის დივერსიფიკაციისთვის აქტიურად გამოიყენოს ტრანსკასპიური საერთაშორისო სატრანსპორტო მარშრუტი (TITR), როდესაც ქვეყანაში წარმოება გაიზრდება, განაცხადა ქვეყნის ენერგეტიკის მინისტრმა ბოლატ აკჩულაკოვმა.
მინისტრმა აღნიშნა, რომ თუ ვსაუბრობთ ტრანსკასპიის გავლით ფართომასშტაბიან გადაზიდვებზე, ქვეყანას სურს, რომ ასეთი მარშრუტები წარმოების გაზრდის მომენტამდე მზად ქონდეს, როგორც ერთ-ერთი მარშრუტი, რომელიც საშუალებას მისცემს მეტი ნავთობი გაატაროს და ექსპორტი გაზარდოს.
მისი თქმით, 2024 წლის შუა პერიოდიდან თენგიზში გაფართოების პროექტის განხორციელების შედეგების საფუძველზე ნავთობის მოპოვების დაახლოებით 12 მილიონი ტონით ზრდაა მოსალოდნელი.
„ამ მოცულობის გარკვეული ნაწილის გატარება კასპიის ზღვის ე.წ. დივერსიფიცირებული მარშრუტებით მოგვიწევს. მანამდე კი ჩვენ უნდა ვიმსჯელოთ, არის თუ არა ეს მხარე მზად ნავთობსადენების სისტემაში ნავთობის ასეთი მოცულობის მიღებაზე. “-აღნიშნა ენერგეტიკის სამინისტროს ხელმძღვანელმა.
მინისტრმა განმარტა, რომ ამ მარშრუტით სარგებლობისთვის „საჭირო იქნება საკმაოდ დიდი ინფრასტრუქტურის განხორციელება, მათ შორის არა მხოლოდ მილსადენის ტრანსპორტირებისა და დასამაგრებელი საშუალებების ჩათვლით, არამედ კასპიის ზღვაში ტანკერების რაოდენობის გაზრდა, რომლებსაც შეუძლიათ ამ ნავთობის ტრანსპორტირება“.
„ეს საკითხი კომპლექსურია, ჩვენ დეტალურად ვსწავლობთ“, - დაასკვნა მან.
აკჩულაკოვმა დააზუსტა, რომ ამჟამად ყაზახეთი ყოველწლიურად 65-67 მლნ ტონა ნავთობის ექსპორტს ახორციელებს.
TITR არის საერთაშორისო სატრანსპორტო დერეფანი, რომელიც გადის ჩინეთის, ყაზახეთის, კასპიის ზღვის, აზერბაიჯანის, საქართველოსა და შემდგომ თურქეთსა და ევროპის ქვეყნებში. დერეფნის ნაწილია ბაქო-თბილისი-ყარსის რკინიგზა.
ამჟამად, ყაზახური ნავთობის საექსპორტო მთავარი მარშრუტი არის კასპიის მილსადენის კონსორციუმის (CPC) სისტემა. იგი შეადგენს მილსადენის მეშვეობით ამოტუმბული მოცულობის 80%-ზე მეტს. მილსადენის სიმძლავრე წელიწადში 67 მილიონი ტონა ნავთობია.