„ყაზახეთი რუსეთის წინააღმდეგ ევროკავშირის მიერ დაწესებული სანქციების პირობებს დაიცავს“ – ექსპერტმა ნურ–სულთანის განცხადება შეაფასა“ – ყაზახეთის პრეზიდენტის ადმინისტრაციის უფროსის მოადგილე ტიმურ სულეიმანოვი მარტის ბოლოს ვიზიტით ბრიუსელში იმყოფებოდა, სადაც მოლაპარაკებები გამართა ფინანსური სტაბილურობის საკითხებში ევროკომისართან ვალდის დომბროვსკისთან.
მიიღე ინფორმაცია უფრო სწრაფად „კომერსანტის“ Telegram-ზე.
მოლაპარაკებების შედეგების კომენტირებისას დასავლური მედიის წარმომადგენლებთან სულეიმანოვმა განაცხადა, რომ ყაზახეთი დაიცავს სანქციების პირობებს, რომლებიც აშშ–მა და ევროკავშირმა რუსეთისა და ბელარუსის წინააღმდეგ დააწესეს.
გარდა ამისა, გაცხადდა ევროკავშირთან დაახლოებით კურსი და უარი ყირიმისა და დონბასის აღიარებაზე.
აღნიშნული განცხადებები რამდენად თავსებადია ყაზახეთის ევრაზიული კავშირის და კუხო–ს წევრობასთან, ახალი საზოგადოების ინსტიტუტის დირექტორი ვასილი კოლტაშოვი მიმოიხილავს, რომელსაც ევრაზიული კავშირის პორტალი eurasia.expert აქვეყნებს.
სულეიმანოვმა ბრიუსელში თავისი ვიზიტის მიზნად ევროპელი კოლეგების ინფორმირება დაასახელა იმასთან დაკავშირებით, რომ ყაზახეთი არ გახდება რუსეთისთვის დასავლეთის სანქციების გვერდის ავლის გზა. „ჩვენ ევრაზიის ეკონომიკური კავშირის წევრი ვართ, მაგრამ დამოუკიდებელი სახელმწიფო ვართ ჩვენი სისტემით და დავიცავთ შეზღუდვებს, რომლებიც რუსეთს და ბელარუსს დაუწესეს“, – აღნიშნა სულეიმანოვმა.
ახალი საზოგადოების ინსტიტუტის დირექტორის ვასილი კოლტაშოვის შეფასებით, ყაზახეთის ასეთი პოზიცია – ნურ–სულთანზე დასავლეთის ზეწოლის შედეგია: „ყაზახეთის რეზერვები დასავლურ ქაღალდებშია განთავსებული და მისი მოცულობა დაახლოებით $30 მლრდ–ს შეადგენს. საპენსიო ფონდის სახსრები ასევე დასავლეთშია დაბანდებული. დასავლეთს ძალიან მარტივად შეუძლია ამ ყველაფრის გაყინვა და ყაზახეთის ეკონომიკის ჩამოშლა“. ექსპერტი ასევე მიიჩნევს, რომ რუსეთთან სტრატეგიული კავშირები ყაზახეთის ეკონომიკას გააძლიერებს და დასავლეთთან დაახლოების გადაწყვეტილებას ოფიციალური ნურ–სულთანის სტრატეგიულ შეცდომად აღიქვამს.
ამასობაში, ყაზახეთის პრეზიდენტის ადმინისტრაციის უფროსის მოადგილემ ტიმურ სულეიმანოვმა ისიც განაცხადა, რომ ნურ–სულთანი არ ეთანხმება უკრაინაში რუსეთის ქმედებების „სპეციალურ სამხედრო ოპერაციად“ ფორმულირებას. მისივე თქმით, ყაზახეთის ხელისუფლება არ აღიარებს არც ყირიმის ირგვლივ შექმნილ ვითარებას, არიც დონბასის დამოუკიდებელ წარმონაქმნებს, ვინაიდან მათ არ აღიარებს გაერო.
ექსპერტი კოლტაშოვი ყაზახეთის ასეთ ნაბიჯებს ქვეყნის სტაბილურობისთვის სერიოზულ საფრთხედ აღიქვამს. „თუ ყაზახეთი რუსეთთან კამათს დაიწყებს, ეს ეროვნული ვალუტის ახალ ვარდნას გამოიწვევს, დაიწყება სოციალური პროტესტები, შეირყევა შიდა ბიუროკრატია, მათ შორის სამხედრო ბიუროკრატია და ახალი ინტრიგები მოჰყვება დასავლეთის სპეცსამსახურების მხრიდან“, – მიიჩნევს კოლტაშოვი.