ქუთაისის საერთაშორისო აეროპორტში ყაზახეთის დედაქალაქ ნურსულთანიდან თვითმფრინავი დღეს, 15:30 საათზე დაეშვება.

საქართველოს აეროპორტების გაერთიანების ინფორმაციით, თვითმფრინავს ყაზახეთიდან 68 მგზავრი მოჰყავს. ყაზახეთის მიმართულებით კი რეისი დღესვე შესრულდება.

შეგახსენებთ, რომ საგარეო საქმეთა სამინისტროს ცნობით, მიმდინარეობს აქტიური მუშაობა საქართველოს მოქალაქეების სამშობლოში დაბრუნების შესაძლებლობაზე.

„ყაზახეთში საქართველოს საელჩო მუშაობას განაგრძობს ჩვეულებრივ რეჟიმში, ამოქმედებულია ცხელი ხაზი და საქართველოს მოქალაქეებს შეუძლიათ დარეკონ ნომერზე: +7 (717) 224-32-58. ამასთან, ყაზახეთში ინტერნეტისა და სატელეფონო კავშირის შეფერხებით მუშაობის გამო, თუ მოქალაქეები ცხელ ხაზზე დაკავშირებას ვერ ახერხებენ, მათ შეუძლიათ შეტყობინებები გააგზავნონ ელ-ფოსტის მისამართზე: astana.emb@mfa.gov.ge.“- აცხადებენ საგარეო საქმეთა სამინისტროში.