ყოველი მეორე უკრაინელი ბავშვი იძულებით გადაადგილებულ პირად იქცა. ინფორმაციას გაეროს ბავშვთა ფონდი (UNICEF) ავრცელებს.
UNICEF-ის განცხადებაში ხაზგასმულია, რომ 4,3 მილიონი ბავშვი დევნილია, რაც უკრაინაში მცხოვრები დაახლოებით 7,5 მილიონი ბავშვის ნახევარზე მეტს წარმოადგენს. ეს მაჩვენებელი მოიცავს 1,8 მილიონზე მეტ ბავშვს, რომლებიც მეზობელ ქვეყნებში ლტოლვილის სტატუსით გადავიდნენ და 2,5 მილიონ ბავშვს, რომლებიც ასევე იძულებით გადაადგილდნენ ქვეყნის შიგნით.
გაეროს ადამიანის უფლებათა უმაღლესი კომისრის ოფისის (OHCHR) ცნობით, რუსული საოკუპაციო ძალების სამხედრო აგრესიის შედეგად უკრაინაში 78 ბავშვი დაიღუპა და 105 დაშავდა.
უკრაინის გენერალური პროკურატურის ცნობით კი უკრაინაში რუსული შეიარაღებული ძალების აგრესიის შედეგად ამ დროისთვის 136 ბავშვია დაღუპული, 199 კი დაშავდა.