აშშ-ის ცენტრალურმა ბანკმა, ანუ ფედერალურმა სარეზერვო სისტემამ (FED) მონეტარული პოლიტიკა 0.75 პუნქტით გაამკაცრა და საპროცენტო განაკვეთი გაზარდა. 

FED-მა მონეტარული პოლიტიკის გამკაცრება მარტში დაიწყო, როდესაც საბაზო საპროცენტო განაკვეთი 0-0.25 პროცენტიდან 0.25-0.5 პროცენტამდე გაზარდა. შედეგად, საბაზო განაკვეთზე მიბმული კრედიტების მომსახურება და მთლიანად დოლარის საკრედიტო რესურსის ღირებულება გაძვირდა. მარტის გადაწყვეტილება 2018 წლის შემდგომ განაკვეთის ზრდის პირველი შემთხვევა იყო, ხოლო 0.75 პუნქტით ნახტომისებური ზრდა 1994 წლის შემდეგ არ მომხდარა. 

ბოლო პერიოდში მონეტარული პოლიტიკის ასეთი აგრესიული გამკაცრების მიზანი ინფლაციასთან გამკლავებაა.

ამერიკული მედია FED-ის გადაწყვეტილებაზე

Financial Times: Fed ზრდის საპროცენტო განაკვეთს 0,75 პუნქტით.

Fed-მა განმარტა, რომ მონეტარული პოლიტიკის გამკაცრება აგრესიული გეგმის ნაწილია, რადგან ცენტრალური ბანკი უპირისპირდება აშშ-ს ყველაზე მაღალ ინფლაციას ბოლო 40 წლის განმავლობაში.

Business Insider: პირველი 0.75 პუნქტით ზრდა 1994 წლის შემდეგ, რაც სერიოზული ნაბიჯია Fed–ის მიერ ინფლაციის წინააღმდეგ ბრძოლაში.

საპროცენტო განაკვეთის კურსის დიაპაზონი ახლა 1,50%-დან 1,75%-მდეა, რაც ემთხვევა 2020 წლის დასაწყისის პანდემიამდე დაფიქსირებულ დიაპაზონს. 

CNN business Nightcup: ეს არის ყველაზე აგრესიული საპროცენტო ზრდა Fed-ის მიერ 1994 წლიდან. ეს არის Fed-ის ერთ-ერთი მთავარი ინსტრუმენტი ფასების გასაკონტროლებლად.

წლის დასაწყისში განაკვეთების თითქმის ნულიდან გაზრდით, ცენტრალური ბანკი აძვირებს ბიზნესისა და ხალხისათვის ფულის სესხებას.

The Economist: ეს იყო მესამე ზრდა Fed-ის მიერ და ყველაზე დიდი ნახტომი მოკლევადიან განაკვეთებში 1994 წლის შემდეგ.

ეს ნაბიჯი მოსალოდნელიც იყო და თუმცა გასაკვირიც.