მერილინ მონრო ამბობდა, რომ ბრილიანტი ქალის საუკეთესო მეგობარია. ამასთანავე, არაფერია უფრო ინტიმური, როგორც სამკაულების გაცემა ან მიღება.
ხშირად მდიდარი და ცნობილი ადამიანებისთვის სამკაულები მის სტატუსს განსაზღვრავენ. თანამედროვეობაში გაჩნდა ისეთი პრეცედენტიც, რომ ერთ-ერთმა რეპერმა ვარდისფერი ბრილიანტი შუბლში, კანში ჩაისვა. მიუხედავად იმისა, რომ არსებობს საიუველირო ნაწარმის რამდენიმე მწარმოებელი, ზოგიერთი ბრენდი ლიდერის პოზიციებს არ თმობს.
წარმოგიდგენთ ყველაზე ძვირად ღირებულ საიუველირო ბრენდებს:
Buccellati - 282 მილიონი დოლარი
Buccellati მილანში, იტალიაში 1919 წელს დაარსდა. ბრენდის ბესტსელერებში შედის რომაული სტილის მანჟეტები, სამაჯურები და ყელსაბამები. ისინი ასევე ქმნიან თვალისმომჭრელ დიზაინებს. 2013 წლამდე Buccellati საოჯახო ბიზნესის სტატუსს ატარებდა, რომელიც იმავე წელს აქციების 67%-ით Clessidra-მ შეიძინა. როგორც Forbes აღნიშნავს, ბრენდი ახლახან ჩინურმა კონგლომერატმა Gangtai Group-მა შეიძინა.
Mikimoto - 1 მილიარდი დოლარი
ბრენდის დამფუძნებელი კოკიჩი მიკიმოტო, სამკაულების შექმნის გარდა, ცნობილია სამკაულებში მარგალიტის კულტურის შემოტანით. 1893 წელს დაარსებული მიკიმოტო დღეს მარგალიტების მეფედ ითვლება. ბრენდი თავის დიზაინში აერთიანებს იაპონურ და ევროპულ სტილს, აბრეშუმის ძაფებისა და უმაღლესი ხარისხის ბრილიანტების გამოყენებით.
Bvlgari - 1,5 მილიარდი დოლარი
საათების, მოდის, სუნამოების და სამკაულების სფეროში Bvlgari ერთ-ერთი ყველაზე ცნობილი ბრენდია. რომში დაფუძნებული ბრენდი თავის ნამუშევრებში აერთიანებს ელეგანტურ, დახვეწილ დიზაინს ტრადიციულ ელემენტებთან. გარდა ამისა, ევროპული საიუველირო მწარმოებელი იყენებს მხოლოდ 18-კარატიან ოქროს ყველა კოლექციაში.
Chopard - 1,7 მილიარდი დოლარი
1860 წელს ჟენევაში დაარსებული ძვირად ღირებული ბრენდი ცნობილია საათებისა და სამკაულების კოლექციით. Chopard იყენებს საუკეთესო სამკაულებს, რომლებიც დამზადებულია 18-კარატიანი ოქროს სქელი ფენებისგან და მაღალი ხარისხის ძვირფასი ქვებისგან. Finance Online-ის თანახმად, Chopard ცნობილია დეტალებითა და სიზუსტით, რაც მათ დიზაინებს უფრო ღირებულს ხდის.
Graff - 5,4 მილიარდი დოლარი
Graff 1960 წელს ლოურენს გრაფმა დააარსა. ბრიტანული ძვირად ღირებული სამკაულების ბრენდი პოპულარულია ელიტარულ და ცნობილ ადამიანებში. Graff ყველაზე ცნობილია მათ პროდუქტებში გამოყენებული ქვების ზომით. ლოურენს გრაფი ყოველთვის ცდილობდა გამოეყენებინა დიდი ბრილიანტები თავის დიზაინში, ტრადიცია დღესაც გრძელდება.
Van Cleef & Arpels - 6 მილიარდი დოლარი
1896 წელს საფრანგეთში, ალფრედ ვან კლიფმა და სალომონ არპელსმა დააარსეს ძვირად ღირებული საიუველირო ბრენდი. ბრენდი თემატურ ხაზებს გვთავაზობს. განსაკუთრებული მოწონება Le Secret და Romeo & Juliet -ის მოტივით შექმნილმა სამკაულების ხაზმა გამოიწვია. როგორც Passion Buzz აღნიშნავს, საიუველირო ბრენდი ცნობილია თავისი მაღალი დონის ძვირფასი ქვების დაყენების ტექნოლოგიით.
Piaget - 6,6 მილიარდი დოლარი
შვეიცარიული საათებით სახელგანთქმულმა ბრენდმა Piaget-მა თავისი პირველი 1874 წელს წარმოება გახსნა. მათი საათები მაშინვე ჰიტად იქცა და ევროპის ელიტარულმა კლასმა გამოიყენა. Piaget მსოფლიოს ერთ-ერთ საუკეთესო ბრენდად ითვლება.
Harry Winston - 6,6 მილიარდი დოლარი
ბრილიანტების მეფემ ჰარი უინსტონმა მისი სახელობის ბრენდი 1932 წელს დააფუძა. Harry Winston -ის ტარება ყველა მსახიობს უყვარს, განსაკუთრებით კი წითელ ხალიჩაზე პოზირებისას.
უინსტონი გვტავაზობს ელეგანტურ და გამძლე სამკაულებს, რომლებიც დროს უძლებს.
Cartier - 12,1 მილიარდი დოლარი
Cartier არის შესანიშნავი მაგალითი იმისა, თუ როგორ შეიძლება კლასიკისა და კრეატიული დიზაინის შერწყმა. ფრანგული ბრენდი 1847 წელს დაარსდა და თავისი უნიკალური და ელეგანტური დიზაინით სამეფო საიუველირო ბრენდებს შორის საპატიო ადგილი დაიკავა. ძვირადღირებული ბრენდი ასევე ცნობილია საათების, ჩანთების და აქსესუარების კოლექციების წარმოებით.
Tiffany & Co. - 15,8 მილიარდი დოლარი
სიაში ყველაზე ცნობილი ბრენდია ძვირად ღირებული სამკაულების მწარმოებელი Tiffany & Co. ბრენდი დიდ გავლენას ახდენს პოპ კულტურასა და ელიტაზე. კომპანიის საკმაულები წარმოდგენილია პოპულარულ ფილმებში, როგორიცაა “საუზმე ტიფანისთან“ და “დიდი გეტსბი“. კოლექციებში შედის მოტივები, როგორიცაა ყვავილები და ფრინველები.
წყარო: therichest.com, "ბიზნესპრესნიუსი"