საბანკო სექტორმა დირექტორთა საბჭოს 2021 წელს 88,5 მლნ ლარი გადაუხადა. ყველაზე მაღალანაზღაურებადი მენეჯმეტი კვლავ „თიბისის“ და „საქართველოს ბანკს“ ჰყავთ. 8 დირექტორის დაქირავებისთვის „საქართველოს ბანკის“ სახელფასო ფონდი 42.2 მლნ ლარი იყო, „თიბისის“ კი 25.7 მილიონი.
საქართველოს ბანკმა მენეჯმენტზე ყველაზე მეტი თანხა დახარჯა, თუმცა ყველაზე მდიდარი ბანკირის სტატუსი კვლავ „თიბისი ბანკის“ გენერალურ დირექტორს ვახტანგ ბუცხრიკიძეს აქვს, მის მფლობელობაში 1,026,263 აქციაა, რომელთა ღირებულება 15 მლნ სტერლინგს აღწევს. „საქართველოს ბანკის“ CEO-ს არჩილ გაჩეჩილაძის მფლობელობაში 442,234 აქციაა, რომელთა ღირებულება 6.5 მლნ სტერლინგამდეა. რაც შეეხება „ლიბერთი ბანკს“, სამეთვალყურეო საბჭოს წევრს ოთარ რუხაძეს 2021 წლის მონაცემებით 1 364 157 493 აქცია ჰქონდა, ერთი აქციის ღირებულება კი დაახლოებით 0.07 ლარი იყო.
სულ საბანკო სექტორის მმართველ რგოლში 2021 წელს 72 პირი იყო დასაქმებული, დირექტორთა საბჭოს ხელფასები კი ასე გადანაწილდა:
1. საქართველოს ბანკი - 42 278 859 ლარი (20 164 043 გადავადებული აქციებით);
2. თიბისი ბანკი - 25 717 987 ლარი (14 315 469 გადავადებული აქციებით);
3. ბაზისბანკი - 5 505 604 ლარი (923 267 გადავადებული აქციებით);
4. კრედო ბანკი - 4 499 100 ლარი (445 971 გადავადებული აქციებით);
5. პაშა ბანკი - 2 037 996 ლარი;
6. ლიბერთი ბანკი - 1 733 152 ლარი;
7. ტერაბანკი - 1 285 988 ლარი;
8. ხალიკ ბანკი - 1 253 510 ლარი (429 531 ლარი გადავადებული ანაზღაურება);
9. ქართუ - 1 202 102 ლარი;
10. იშ ბანკი - 1 192 506 ლარი;
11. პროკრედიტ ბანკი - 778 147 ლარი;
12. ზირაათბანკი - 584 985 ლარი;
13. სილქ როუდ ბანკი - 462 338 ლარი.
„კომერსანტი“ 2022 წლის მონაცემებს გამოქვეყნებისთანავე შემოგთავაზებთ.