საქართველოში კვალიფიციური კადრების პრობლემაზე,  ბიზნეს ასოციაციის აღმასრულებელმა დირექტორმა, რადიო „კომერსანტის“ გადაცემაში „კომერსანტის დილა“ ირაუბრა. ლევან ვეფხვაძემ აღნიშნა, რომ კომპანიებს გარკვეული საინვესტიციო პროექტების განხორციელება და ბიზნესის გაფართოება სურთ, თუმცა კადრი რომელიც ამ პროექტის მიმართულებას ჩაიბარებს არ ჰყავთ.

„ყველაზე მწვავე პრობლემა, რომელიც წამოვიდა და რაზეც იყო საუბარი,  ეს არის  კვალიფიციური სამუშაო ძალა, იმიტომ რომ რამდენიმე კომპანიამ დააყენა საკითხი, იმის შესახებ, რომ მათ უნდათ საინვესტიციო პროექტების გაფართოება, მაგრამ არ  ჰყავთ შესაბამისი კადრი, რომელიც კონკრეტულ კვალიფიკაციას შეესაბამება და გარკვეული პროექტის  შემდეგ ამ მიმართულებას ჩაიბარებს,  ეს გლობალური საკითხია და ამას  შეიძლება  თვეები და წლები  დასჭირდეს  , მაგრამ თუ  დღესვე  სწორი მიმართულება და ხედვა არ  გვექნება ბუნებრივია ხვალ შედეგები ვერ იქნება. —  განაცხადა ლევან ვეფხვაძემ და აღნიშნა რომ ამ პრობლემის შესახებ 4 ოქტომბერს, პრემიერ მინისტრთან შეხვედრაზე ბიზნესის წარმომადგენლებმა ისაუბრეს.

პრემიერმა თქვა, რომ  ამ საკითხზე დამატებით შეხვედრა - დისკუსიებია საჭირო, რადგან  ერთია  თუ რას ადგენს სახელმწიფო და რა  მოთხოვნებს  უწესებს სასწავლო დაწესებულებებს და მეორეა  რა არის  ბაზარზე მოთხოვნა. არსებობს თუ არა  ეს პროგრამები და ამ პროგრამების  შესაბამისად არსებობენ თუ არა შესაბამისი კვალიფიკაციის  ადამიანები, რომლებსაც კონკრეტულად  სასწავლო დაწესებულებები უნდა  უშვებდნენ“, - აღნიშნა  ბიზნეს ასოციაციის აღმასრულებელმა დირექტორმა.

ვეფხვაძის თქმით  კომპანიების დაახლოებით  2/3 ამბობს, რომ  2022 წლის  ბოლოს  ინვესტიციების  გაზრდას და გაფართოებას აპირებს, რაც კარგი  მაჩვენებლით.

„თუ ამას სხვა კუთხით შევხედავთ პრობლემებში  ამოვარდება, რომ  იქ  ადმინისტრაციული ბარიერებია, რაც   განსაკუთრებით  სამშენებლო  სექტორს აწუხებს.  მეორეს მხრივ დაახლოებით 30% კომპანიების მზად  არის  ახალი სამუშაო ადგილი შექმნისა და  ახალი თანამშრომლების დასაქმებისთვის,  მაგრამ ამდენივე  კომპანია ამბობს, რომ იმ კვალიფიკაციის ადამიანები, რომლებიც კონკრეტულ მომენტში სჭირდებათ   ბაზარს არ ჰყავს. ეს  პრობლემები  ძალიან მნიშვნელოვანია რომ კარგად  დავინახოთ. იმიტომ რომ თუ ჩვენ სწორად არ ვუპასუხებთ პრობლემებს,  თუკი არ შევამცირებთ  იმ  ადმინისტრაციულ წინაღობას,  რამაც  შეიძლება ინვესტიციები განახორციელოს,  თუკი დროულად არ მოვამზადებთ იმ ადამიანებს და კვალიფიციურ  კადრებს,  რომელიც  ჩაიბარებენ პროექტებს ჩვენ ეკონომიკას წინ ვეღარ წავწევთ„ -  აღნიშნა ლევან ვეფხვაძემ.

საქართველოს ბიზნეს ასოციაცია საქართველოს პრემიერ-მინისტრ ირაკლი ღარიბაშვილს 4 ოქტომბერს შეხვდა.