აზერბაიჯან-სომხეთის სადავო ტერიტორიაზე, რომელსაც დღეს აზერბაიჯანი აკონტროლებს ფართომასშტაბიანი ინფრასტრუქტურული სამუშაოები მიმდინარეობს. ზანგილანის საერთაშორისო აეროპორტის მშენებლობის პროექტი 1.5 წელიწადში დასრულდა.
საჰაერო პორტის გრანდიოზული გახსნა 20 ოქტომბერს თურქეთის პრეზიდენტის რეჯეფ ტაიფ ერდოღანის და აზერბაიჯანის პრეზიდენტის ილჰამ ალიევი მონაწილეობით იგეგმება.
აეროპორტი უმაღლესი საერთაშორისო სტანდარტების შესაბამისად აშენდა.
აეროპორტის ასაფრენი ბილიკის სიგრძე 3000 მეტრია, სიგანე 60 მეტრი. ტერმინალის გამტარუნარიანობა კი საათში 200 მგზავრია.
აეროპორტში ყველა სახის ფართო სპექტრის თვითმფრინავი, მათ შორის დიდი სატვირთო თვითმფრინავები შეძლებენ აფრენა/დაფრენას.
აეროპორტში უზრუნველყოფილია რვა თვითმფრინავის ერთდროული ტექნიკური მომსახურება. მის მშენებლობაში თურქული კომპანიებიც მონაწილეობდნენ.
საერთაშორისო საჰაერო ტრანსპორტის ასოციაციამ (IATA) აეროპორტი საერთაშორისო აეროპორტების სიაში ZZE კოდით შეიყვანა.
აზერბაიჯანის მთავრობა ლაჩინში აეროპორტის აშენებასაც გეგმავს.