მსოფლიო ბანკის მონაცემებით ადგილობრივი ინფლაცია მთელ მსოფლიოში კვლავ მაღალ დონეზე რჩება,  2022 წლის ოქტომბრიდან 2023 წლის თებერვლის ჩათვლით ინფლაციის დონე დაბალშემოსავლიანი ქვეყნების 88.2%-ში, დაბალი-საშუალო შემოსავლის მქონე ქვეყნების 93%-ში და საშუალოზე მაღალი შემოსავლის მქონე ქვეყნების 89%-ში 5% - ზე მაღალია. ბევრ ქვეყანაში სამომხმარებლო ფასები ორნიშნა ტემპით იზრდება და განსაკუთრებით მაღალია სასურსათო ინფლაცია.

ანგარიშის თანახმად, რუსეთის უკრაინაში შეჭრის შემდეგ, სიმინდის ფასი 13%-ით, ხორბლის ფასი კი 34%-ით შემცირდა. თუმცა იზრდება ბრინჯის ფასი, რომელიც წლიურად 17%-ით არის გაძვირებული. ომამდელ 2021 წლის იანვართან შედარებით, სიმინდისა და ხორბლის ფასები წელს, შესაბამისად, 22%-ით და 4%-ით მეტია, ხოლო ბრინჯის ფასები 4%-ით დაბალია.

ომამდელ 2021 წლის იანვართან შედარებით, სიმინდისა და ხორბლის ფასები წელს, შესაბამისად, 22%-ით და 4%-ით მეტია, ხოლო ბრინჯის ფასები 4%-ით დაბალია.

გაეროს სურსათისა და სოფლის მეურნეობის ორგანიზაციამ (FAO) განაცხადა თებერვალში,  სურსათის მსოფლიო ფასები ზედიზედ მეთერთმეტე თვეა იკლებს. მათვე  ცნობით სურსათის ფასების ინდექსი, რომელიც  მსოფლიოში ყველაზე გაყიდვადი საკვები პროდუქტების საერთაშორისო ფასებს აკონტროლებს, თებერვალში საშუალოდ 129,8 პუნქტს შეადგენდა, რაც იანვართან შედარებით ზღვრული 0,6 პროცენტით დაბალია, თუმცა 2022 წლის მარტის პიკთან შედარებით 18,7 პროცენტით არის შემცირებული.

Fao –  მონაცემებს მიხედვით  ინდექსის  კლება  აისახა მცენარეულ ზეთებისა და რძის პროდუქტებზე. ანგარიშის მიხედვით, მარცვლეულის ფასების ინდექსი იანვრიდან პრაქტიკულად უცვლელი დარჩა.

მსოფლიო ბანკის თანახმად, რუსეთის მიერ უკრაინაში შეჭრის შემდეგ, გლობალური სასურსათო კრიზისი ნაწილობრივ გაუარესდა ქვეყნების მიერ დაწესებული სურსათით ვაჭრობის შეზღუდვების მზარდი ტენდენციის გამო, რაც შიდა მიწოდების გაზრდასა და ფასების შემცირების ემსახურებოდა. 2023 წლის 13 მარტის მდგომარეობით, 23 ქვეყანამ განახორციელა სურსათის ექსპორტის 29 აკრძალვა, ათმა კი - 14 ექსპორტის შემზღუდავი ღონისძიება.

2022 წლის სასურსათო კრიზისის შესახებ გლობალური მოხსენების თანახმად, სავარაუდოდ, 205 მილიონამდე ადამიანი განიცდის სასურსათო უსაფრთხოების მწვავე პრობლემებს და საჭიროებს სასწრაფო დახმარებას 45 ქვეყანაში.