ზიმბაბვეს ხელსუფლებამ მიმოქცევაში ჩაუშვა მისივე მოჭრილი ოქროს მონეტები, რომელსაც ყველა მსურველს სთავაზობს როგორც ქვეყნის შიგნით, ასევე მის ფარგლებს გარეთ. ამის შესახებ ინფორმაციას სამხრეთ-აფრიკული რადიო SABC ავრცელებს.
როგორც აფრიკული მედია წერს, ოქროს მონეტების მიმოქცევაში შემოღებამ ხელი უნდა შეუწყოს ფინანსური ბაზრის სტაბილზაიციას, წინ აღუდგეს ინფლაციას და გაზარდოს საინვესტიციო ინსტრუმენტების რაოდენობა. რადიო მიუთითებს, რომ ზიმბაბვე შეუერთდა სამხერთ აფრიკის რესპუბლიკას, სადაც საკუთარი ოქროს მონეტა მიმოქცევაშია1967 წლიდან - ეს არის კრიუგერრანდი, რომელიც დღესაც გამოიყენება როგორც ლეგალური საგადამხდელო საშუალება.
როგორც ზიმბაბვეს ცენტრალურ ბანკში აცხადებენ, ოქროს მონეტის ფასის ფორმირება მოხდება დღეს არსებული ოქროს ფასისა და მისი წარმოების 5%-იანი დანახარჯის მიხედვით. ეს კი ნიშნავს, რომ მისი ღირებულება 1,5-1,7 ათასი დოლარის ექვივალენტი იქნება.
ზიმბაბვურ ოქროს მონეტას ექნება 32 მმ დიამეტრი და 33,93 გრამი წონა. მისი ხარისხი 22 კარატი იქნება, ოფიციალური სახელი კი Mosi-oa-Tunya Gold Coin, ადგილობრივ მაკოლოლოს ენაზე Mosi-oa-Tunya ქვია ქვეყნის სახელგანთქმულ ვიქტორიას ჩანჩქერს.
ზიმბაბვე არის 21 აფრიკულ სახელწმიფოს შორის, რომლებიც ოქროს აწარმოებენ. ბოლო 10 წლის განმავლობაში ზიმბაბვეში ოქროს ყველაზე დიდი რაოდენობით მოპოვება 2018 წელს დაფიქსირდა, როცა ქვეყანამ 29,6 ტონა ოქრო აწარმოა.
რაც შეეხება ინფლაციას, ზიმბაბვეში მან ივნისში 200%-ს მიაღწია.
ინფლაცია
