თუ სარემონტო ან საყოფაცხოვრებო ნივთების შეძენა გსურთ, თქვენთვის ახალი ამბავი გვაქვს - 26 მაისს, 15:00 საათზე დამოუკიდებლობის დღესთან დაკავშირებით, ზუგდიდში, ჯანაშიას #1- ში „გორგიას“ ახალი ფილიალი გაიხსნა. აღნიშნული ფილიალი პირველი მოლის ტიპის სავაჭრო ცენტრია, რომელიც კომპანიამ წარმოადგინა. აღსანიშნავია ისიც, რომ ჰიპერმარკეტი მომხმარებელს „გორგიას“ სრული პროდუქციით, მუდმივი საჩუქრებითა და აქციებით უმასპინძლებს.
„მიხარია, რომ დღეს 26 მაისს ჩვენ ზუგდიდში ვხსნით ობიექტს, სადაც 100 ადგილობრივი საქმდება და ჩადებული ინვესტიცია ხუთ მილიონ ლარზე მეტია. მე მინდა მადლობა ვუთხრა გორგიას მენეჯმენტს განხორციელებული სამუშაოებისთვის. კიდევ ერთხელ გილოცავთ და წარმატებებს გისურვებთ“, - აღნიშნა ზემო სვანეთის რწმუნებულმა მალხაზ თორიამ.
გახსნის ცერემონიალს დაესწრო ზუგდიდს მერის მოვალეობის შემსრულებელი კონსტანტინე კაკავა, ზუგდიდის მუნიციპალიტეტის საკრებულოს თავმჯდომარე მამუკა წოწერია, სამეგრელო-ზემო სვანეთის რწმუნებული მალხაზ თორია, ასევე ქართველი ბიზნესმენები და მეწარმეები.
„ჩვენი ქვეყანა უკვე გადავიდა კოვიდ პანდემიის მართვის ეტაპზე, ხდება ეკონომიკის მაქსიმალურად გახსნა და ამ პირობებში ერთი-ორად იზრდება საინვესტიციო გადაწყვეტილებების მნიშვნელობა. ეს კონკრეტული ინვესტიცია ხელს უწყობს საბითუმო და საცალო ვაჭრობის ბაზარზე კონკურენტუნარიანობის ამაღლებას, სერვისების დივერსიფიცირებასა და ხარისხის ზრდას. მინდა „გორგიას“ დამფუძნებლებს და მის მენეჯმენტს მადლობა გადავუხადო ჩვენი მუნიციპალიტეტის მიმართ გამოხატული ინტერესისთვის“,- განაცხადა ზუგდიდის მუნიციპალიტეტის საკრებულოს თავმჯდომარე, მამუკა წოწერიამ.
სარემონტო-სამშენებლო ჰიპერმარკეტების ქსელი „გორგია“ მომხმარებელს 50 000-ზე მეტი დასახელების სამშენებლო-სარემონტო და საყოფაცხოვრებო პროდუქტს სთავაზობს საქართველოში ყველაზე დაბალ ფასად. ამ ეტაპზე „გორგიას“ ჰიპერმარკეტი საქართველოს 6 ქალაქში, 8 ფილიალით არის წარმოდგენილი.
„გორგიასთვის“ განსაკუთრებით მნიშვნელოვანი აღმოჩნდა, რომ ახალი ფილიალი სწორედ 26 მაისს გაეხსნა, თანაც სამეგრელოს რეგიონში. კომპანიას სურს, ახლო მომავალში ეს სივრცე რეგიონის ყველაზე დიდ სავაჭრო ცენტრად აქციოს, სადაც 100 000 კვადრატულ მეტრ ტერიტორიაზე მოსახლეობისთვის საინტერესო ყველა პროფილის სავაჭრო ზონა განთავსდება.
(R)