ზვიგენის მუცელში დაკარგული მამაკაცი ახლობლებმა ტატუთი ამოიცნეს. არგენტინის ხელისუფლება აცხადებს, რომ სავარაუდოდ, მამაკაცს საავტომობილო ავარიის შედეგად გადავარდა წყალში და მერე გახდა ზღვის მტაცებლის მსხვერპლი. ამის შესახებ The Telegraph-ი წერს.

32 წლის დიეგო ბარია ბოლოს 18 თებერვალს ნახეს არგენტინის სამხრეთ პროვინციის ჩუბუტის სანაპიროსთან თავისი კვადროციკლით. ამის შესახებ Sky News-ი იტყობინება.

ორმა მეთევზემ ადგილობრივ სანაპირო დაცვას უთხრა, რომ თევზაობისას რამდენიმე ზვიგენი დაიჭირეს, სადაც ადამიანის ნაშთები იპოვეს.

პოლიციის ოფიცერმა დანიელა მილატრუზმა, რომელიც პასუხისმგებელი იყო დაკარგული დიეგო ბარიას ძებნაზე, ადგილობრივ მედიას განუცხადა, რომ მეთევზეებმა განაცხადეს, რომ ზვიგენების დასუფთავებისას ზღვის მტაცებლებში ადამიანის ნაშთები აღმოაჩინეს.

დიეგო ბარიას ოჯახმა დაკარგული მამაკაცი ტატუთი ამოიცნო. ვინაობის დასადასტურებლად სხეულის ფრაგმენტებს დნმ ტესტი ჩაუტარდება.

გაურკვეველია, კონკრეტულად რა დაემართა დაკარგულს. გამოძიება გრძელდება. დიეგო ბარიას დაზიანებული მანქანა როკას კოლორადასის მახლობლად სანაპიროზე, მისი გაუჩინარებიდან ორი დღის შემდეგ, იპოვეს.

პოლიციის განყოფილებას ხელმძღვანელმა კრისტიან ანსალდომ განაცხადა, რომ ზვიგენი დაახლოებით 1,5 მეტრის სიგრძისა იყო. მისი თმით, სავარაუდოდ, ბარიას ავარია მოუვიდა, წყალში გადავარდა და უკვე მკვდარი იყო, როცა ზვიგენმა შეჭამა.