საქართველოსთვის ევროკავშირის კანდიდატის ქვეყნის სტატუსის მოპოვებისთვის, არასამთავრობო ორგანიზაციებმა სამოქმედო გეგმა შეიმუშავეს. როგორც ისინი განმარტავენ, თუკი პოლიტიკური ნება იქნება და გეგმა შესრულდა, ქვეყანას შეეძლება ეს სტატუსი 2022 წლის ბოლომდე მიიღოს.
სამოქმედო გეგმა მოიცავს 12 ნაბიჯს და ეხება ისეთ საკითხებს, როგორიცაა, მართლმსაჯულება, ადამიანთა უფლებები, „დეოლიქარგიზაცია“, სამოქალაქო სექტორის ჩართულობის გაზრდა და სხვა.
„დღეს ჩენ წარმოვადგენთ გეგმას, რა არის დღეს აუცილებლად გასაკეთებელი იმისთვის, რომ კანდიდატის სტატუსი მივიღოთ, თუმცა რა თქმა უნდა, ამის მიღმა კიდევ ძალიან ბევრი რამ არის გასაკეთებელი.
ძალიან მნიშვნელოვანია საკონსტიტუციო ცვლილებები, რომელიც ერთი მოსმენით უკვე იყო მოსმენილი და სჭირდება კიდევ 2 მოსმენა, რომ იყოს მიღებული.
გარდა ამისა, მნიშვნელოვანია საარჩევნო კანონმდებლობაში ცვლილება, რომელიც ეხება ცეკოს დამოუკიდებლობას, ცესკოს თავმჯდომარეს და პროფესიული წევრების კონსესუსით მიღება.
ერთ-ერთი უმთავრესი საკითხი,რომელიც ჩვენი ქვეყნისთვის პრობლემურ საკითხს წარმოადგენს, ეს არის მართლმსაჯულების რეფორმა. ჩვენ წარმოდგენილი გვაქვს ასევე, გეგმა, როგორ უნდა განხორციელდეს ეს რეფორმა.
ასევე, ჩვენ გვაქვს წარმოდგენილი ხედვა კორუფციასთან ბრძოლასთან დაკავშირებით, რომ შეიქმნას სააგენტო, რომელიც გააერთიანებს სხვადასხვა უწყებებში კორუფციასთან ბრძოლის მექანიზმებს და იქნება უფრო ეფექტური, - განაცხადა სამართლიანი არჩევნებისა და დემოკრატიის საერთაშორისო საზოგადოების (ISFED) აღმასრულებელმა დირექტორმა ნინო დოლიძემ.
უფრო დეტალურად 12 ნაბიჯის შესახებ იხილეთ აქ: