ლატვიის პარლამენტის საგარეო ურთიერთობათა კომიტეტს თავმჯდომარის რიჰარდ კოლსის განცხადებით, ევროკავშირის მიერ წარმოდგენილი პუნქტების შესრულება საქართველოს საშინაო დავალებაა და მან უნდა შეასრულოს.
მისივე თქმით, რეკომენდაციების შესრულების პროცესში ძალიან მნიშვნელოვანია რეფორმების გატარება, რომელიც არა ფორმალურად, არამედ პრაქტიკაში უნდა განხორციელდეს.
ამასთან, როგორც რიჰარდ კოლსმა აღნიშნა, მმართველ გუნდთან და ოპოზიციურ პარტიებთან შეხვედრებისას მოუწოდეს მათ, გვერდზე გადადონ უთანხმოება, რათა საქართველომ ევროატლანტიკური ინტეგრაციის გზაზე დაუბრკოლებლად გააგრძელოს სვლა.
„12-პუქნტიან გეგმას რაც შეეხება, ეს გახლავთ საქართველოს საშინაო დავალება, რომელიც უნდა განხორციელდეს საქართველოს მიერ და ჩვენი როლი ამ პროცესში შეიძლება იყოს მრჩევლის, გამოცდილების გამზიარებლის, მაგრამ საბოლოო ჯამში, ეს თავად საქართველომ უნდა გაატაროს.
ძალიან მნიშვნელოვანია რეფორმების ხარისხი და რეფორმები არა მხოლოდ ფორმალურად და ქაღალდზე, არამედ პრაქტიკაში უნდა განხორციელდეს, როგორც ეს არის განსაზღვრული. ასევე დამოუკიდებელი სასამართლო, დეოლიგარქიზაცია, რომელიც არის ძალიან მნიშვნელოვანი პროცესი, გადაწყვეტილებების სისწრაფე. ჩვენ შეხვედრები გვქონდა როგორც მმართველ გუნდთან, ასევე ოპოზიციურ პარტიებთან და მოვუწოდეთ თითოეულ მათგანს, რომ გადადონ გვერდზე უთანხმოება, პარტიული პოზიციები, რათა საქართველოს შეეწყოს ხელი თავის ევროატლანტიკურ მისწრაფებებში, რომ ამ გზაზე დაუბრკოლებლად გააგრძელოს სვლა და მიაღწიოს მიზანს“, – განაცხადა რიჰარდ კოლსმა.
წყარო: https://1tv.ge/