საქართველოს პრემიერ–მინისტრმა ირაკლი ღარიბაშვილმა თავის პოლონელ კოლეგასთან მათეუშ მორავიეცკისთან ბათუმში გამართული შეხვედრის შემდეგ გამართულ ერთობლივ პრეს–კონფერენციაზე განაცხადა, რომ „აგვისტოს ომის შემდეგ ჩვენ ვნახეთ განახლებული პოლიტიკა რუსეთის მიმართ, ახალი სავაჭრო ეკონომიკური პროექტები და არავითარი სანქციები. უფრო მეტიც მაშინდელმა ხელისუფლებამაც კი არ დაუწესა სანქციები რუსეთს. მხოლოდ დიპლომატიური ურთიერთობები გაწყვიტა“.

„ომის შემდეგ, სამწუხაროდ, მაშინდელმა ხელისუფლებამ რუსულ კომპანიებს მიჰყიდა სტრატეგიული ენერგეტიკული კომპანიები და ასევე ცალმხრივად მოუხსნა რუსეთის მოქალაქეებს სავიზო. რეჟიმი. მხარი დაუჭირა რუსეთის სავაჭრო ორგანიზაციაში გაწევრიანებას. ეს ყველაფერი მოხდა ომის შემდეგ. შედეგად საქართველო დღესაც ოკუპირებულია, სტატუსქვო არ შეცვლილა. ყოველდღიურ რეჟიმში გვიწევს გამკლავება ოკუპაციასთან. ჩვენი მოქალაქეების გატაცება მიმდინარეობს მათი ციხეებში ჩასმა დროებით. სამწუხაროდ გვაქვს ბევრი ტრაგიკული ფაქტებიც. ეს არის რეალობა რომელიც შექმნილია ჩვენს ქვეყანაში აგვისტოს ომის შემდეგ“, – განაცხადა ირაკლი ღარიბაშვილმა.