NordPass-მა 2022 წლის ყველაზე გავრცელებული პაროლის კომბინაციების რეიტინგი გამოაქვეყნა. კვლევის შედეგად აღმოჩნდა, რომ მიუხედავად იმისა, რომ სტრიმინგის სერვისებში, ონლაინ ბანკინგში, ფოსტასა და სოციალური ქსელებში შესვლის ყველაზე პოპულარულ გზად დღეს ისევ პაროლი რჩება, მომხმარებლები მაინც პაროლის ადვილად დასამახსოვრებელი ვარიანტებს ირჩევენ.

უსაფრთხოების ინციდენტების შედეგად გაჟონილი მონაცემების ბაზის მიხედვით, 30 ქვეყანაში ყველაზე პოპულარული პაროლი სიტყვა password-ია, თითქმის ხუთი მილიონი შესატყვისით. მეორე ადგილზეა რიცხვების კომბინაცია -123456, მესამეზე - 123456789. ხუთეულში მოხვდა guest-ი და qwerty. ამ პაროლების გატეხვა წამზე ნაკლებ დროშია შესაძლებელია.

ამ მარტივი ვარიანტების გარდა, მომხმარებლები ხშირად იყენებენ სპორტული გუნდების, ბრენდების, ფილმების, მანქანების, ვიდეო თამაშების, საკვების სახელებს, ასევე გინებას და მუსიკოსების სახელებს. მაგალითად, საიუველირო ბრენდი tiffany 2022 წელს თითქმის 14,8 მილიონჯერ იქნა გამოყენებული, მუსიკალური ჯგუფი U2 - 33 მილიონზე მეტჯერ, ხოლო leon-ი 6,4 მილიონჯერ.

მკვლევრები მიიჩნევენ, რომ კიდევ უფრო საშიშია პაროლების განმეორებითი გამოყენება, რომლებიც ერთნაირია როგორც პირადი, ასევე კორპორაციული ანგარიშებისთვის. ის დამსაქმებელსაც კი პოტენციური რისკის ქვეშ აყენებს.

ESET-ის ექსპერტების გვირჩევენ, რომ თითოეული ანგარიშისთვის ყოველთვის საკმარისად რთული და უნიკალური პაროლი ავირჩიოთ და მოვერიდოთ პაროლის ხელახლა გამოყენებას;

არ გავუზიაროთ საკუთარი პაროლი სხვას, რადგან მათ შესაძლოა უნებლიედ უგულებელყონ კიბერჰიგიენის წესები და რისკის ქვეშ დაგაყენონ;

რეგულარულად შეამოწმეთ და განაახლეთ პაროლის სუსტი ან მოძველებული ვარიანტები;

არ შეხვიდეთ საჯარო Wi-Fi ქსელში.