60-მდე პოლიციელი იქნა დაშავებული. რამდენიმე ლამის ცოცხლად დაიწვა. ჩვენ ამას ვის ვაპატიებთ? ყველა ეს ადამიანი იქნება დასჯილი უმკაცრესად - ამის შესახებ გადაცემაში „იმედის კვირა“ პრემიერ-მინისტრმა, ირაკლი ღარიბაშვილმა ქართული ოცნების ყოფილი დეპუტატების მიერ ინიციირებული კანონპროექტების შესახებ საუბრისას განაცხადა. პრემიერის განცხადებით, აქციებზე „ფრანკლინის კლუბის“ ახალგაზრდებს  და ზურაბ ჯაფარიძის „გირჩის“ წევრებს პროვოკაციულად იქცეოდნენ და დავალება ჰქონდათ მიცემული, რომ შესულიყვნენ პირდაპირ დაპირისპირებაში სპეცდანიშნულების რაზმებთან და პოლიციელებთან.

„ფრანკლინის კლუბის“ ახალგაზრდები  და დატრენინგებული ზურაბ ჯაფარიძის „გირჩის“ დესტრუქციული წევრები იქცეოდნენ ყველაზე მეტად პროვოკაციულად და გამომწვევად. მათ პირდაპირ ჰქონდათ მიცემული დავალება, რომ შესულიყვნენ პირდაპირ დაპირისპირებაში სპეცდანიშნულების რაზმებთან და და პოლიციელებთან.

საიდან გაჩნდა მოლოტოვის კოქტეილების „მშვიდობიან აქციაზე“. მინდა მივმართო ახალგაზრდებს, მათ მშობლებს, საზოგადოებას - როგორი ქვეყნის მშენებლობა გვინდა? ვიძახით, რომ გვინდა ევროპულის საზოგადოება ავაშენოთ, ეკონომიკა გავაძლიეროთ, როგორ ბედავენ, რომ ამ ახალგაზრდებს იყენებენ ფარად? წინა ხაზზე ისვრიან მოლოტოვის კოქტეილებს. 60-მდე პოლიციელი იქნა დაშავებული. რამდენიმე ლამის ცოცხლად დაიწვა. ჩვენ ამას ვის ვაპატიებთ? ყველა ეს ადამიანი იქნება დასჯილი უმკაცრესად“, - განმაცხადა პრემიერმა

ირაკლი ღარიბაშვილმა „იმედის“ ეთერში მადლობა გადაუხადა შინაგან საქმეთა მინისტრ ვახტანგ გომელაურს, თითოეულ პოლიციელს, განსაკუთრებულ დავალებათა დეპარტამენტს იმისათვის, რომ მათ იდეალურად დაგეგმეს და შეასრულეს „ეს ღონისძიება“.

„პირველი რიგში საჯაროდ მადლობა გადავიხადო ვახტანგ გომელაურს, ჩვენს მეგობარს, თითოეულ პოლიციელს, განსაკუთრებულ დავალებათა დეპარტამენტს, ყველა პოლიციელს, რომელმაც იდეალურად დაგეგმა და შეასრულა ეს ღონისძიება. მე ამ პროცესს ვაკვირდებოდი თავიდან ბოლომდე, “ - განაცხადა პრემიერმა.