საქართველოში აშშ-ის ელჩი, კელი დეგნანი ამბობს, რომ საქართველოს ხელისუფლებას შეუძლია გაატაროს ყველა ის საკანონმდებლო რეფორმა, რომელიც ევროკავშის საბჭოსგან გაცემული რეკომენდაციებით არის გათვალისწინებული. ჟურნალისტებთან საუბრის დროს მან მოიყვანა მაგალითი ხელისუფლების სწრაფი მოქმედების, როცა არსებობდა სურვილი საკითხის დაჩქარებულად გადაჭრაზე.
ვიცით, რომ მთავრობას შეუძლია იმოქმედოს სწრაფად, როდესაც სურს კანონმდებლობის შეცვლა, ჩვენ ვნახეთ როდესაც დააჩქარა სახელმწიფო ინსპექტორის სამსახურის გაუქმება, ასევე სხვადასხვა კანონის დაჩქარებული წესით მიღება, ასევე ვიცით, რომ მთავრობას შეუძლია სწრაფად მოქმედება, როდესაც ეს სურს და ვიცით, რომ ქართველ ხალხს სურს ამ რეფორმების სწრაფად განხორციელება, საქართველოს ევროკავშირის წევრობის კანდიდატი ქვეყნის სტატუსის მისაღებად.
აშშ მზადაა და გამოხატავს სურვილს ნებისმიერი ფორმით დაეხმაროს ამ პროცესში. მომდევნო ექვსი თქვე იქნება მნიშვნელოვანი შესაძლებლობა დასაწყევად, დასაკარგი დრო არ არის, არის ბევრი დაინტერესებული მხარე, ხალხი, სამოქალაქო საზოგადოება, ოპოზიციური პარტიები, ასევე მთავრობის ზოგი წევრი, რომელიც მზადაა ამ რეკომენდაციების განხორციელება დაიწყოს, ყველას სურს საქართველოს შესახებ დადებითი ანგარიშის მოსმენა“, - თქვა კელი დეგნანმა.
23 ივნისს ევროპულმა საბჭომ უკრაინასა და მოლდოვას კანდიდატის სტატუსი მიანიჭა, საქართველოს კი - ევროპული პერსპექტივა და განაცხადა, რომ მზადაა კანდიდატის სტატუსი მისცეს, როგორც კი დასახული პრიორიტეტები შესრულდება. ევროკომისიის რეკომენდაციით, საქართველო წევრობის კანდიდატი გახდება, თუკი შეასრულებს 12 რეკომენდაციას. ამ პირობებს შორისაა პოლიტიკური პოლარიზაციის დაძლევა, ინსტიტუტების გამართულად მუშაობა და მათი დამოუკიდებლობა, სასამართლოს რეალური დამოუკიდებლობა და მიუკერძოებლობა, ელიტური კორუფციის შემთხვევების ეფექტიანად გამოძიება, დეოლიგარქიზაცია, თავისუფალი მედიაგარემო და ა.შ.
ევროკომისია შეაფასებს საქართველოს პროგრესს 2022 წლის ბოლოს.
https://www.radiotavisupleba.ge/