„დღეს საქართველოს დემოკრატიისთვის შავი დღეა“, — ასე ეხმაურება ამერიკის შეერთებული შტატების საელჩო საქართველოში ე.წ. აგენტების კანონს, რომლის განხილვა პარლამენტში ამ წუთებში მიმდინარეობს.
„პარლამენტის მიერ კრემლისგან შთაგონებული კანონების განხილვის გაგრძელება შეუთავსებელია საქართველოს ევროპასთან ინტეგრაციის აშკარა სურვილთან და ქვეყნის დემოკრატიულ განვითარებასთან. ამ კანონების გატანა დააზიანებს საქართველოს ურთიერთობას სტრატეგიულ პარტნიორებთან და ძირს გამოუთხრის მნიშვნელოვან საქმეს, რომელსაც უამრავი ქართული ორგანიზაცია თანამოქალაქეების დასახმარებლად აკეთებს. ეს პროცესი და კანონპროექტები რეალურ კითხვებს აჩენს მმართველი პარტიის ერთგულებაზე ევროატლანტიკური ინტეგრაციისადმი“, — აღნიშნულია აშშ-ის საელჩოს განცხადებაში.