თბილისში სპეცრაზმელებთან ორი ღამის ძალადობრივი შეტაკებების შემდეგ, ქართველმა მომიტინგეებმა გაიმარჯვეს რადგან მმართველმა პარტიამ განაცხადა, რომ უარს იტყვის სამოქალაქო სექტორისა და მედიის წინააღმდეგ მიმართულ კანონპროექტზე, რის გამოც საქართველოში დემონსტრაციები დაიწყო. — ამის შესახებ ბლუმბერგი წერს.
„თბილისში განვითარებული სცენარი 2014 წლის მაიდნის ამბებს ჰგავს, როდესაც კიევი სავსე იყო უკრაინელებით, რომლებიც აპროტესტებდნენ პრეზიდენტ ვიქტორ იანუკოვიჩის გადაწყვეტილებას დაეტოვებინა ევროკავშირი-უკრაინის ასოცირების შეთანხმება რუსეთთან ურთიერთობების გაუმჯობესების სანაცვლოდ. საქართველოს დემოკრატიას ახლა მსგავსი სახიფათო მომენტი უდგას. პუტინს გადაწყვეტილი აქვს შეაჩეროს საქართველოს დასავლეთისკენ სვლა, ისევე როგორც უკრაინის.
პუტინმა ჯერ კიდევ მაშინ დაიწყო უკრაინის საწინააღმდეგო კამპანია, როდესაც სეპარატისტების სახელით, 2008 წელს სამხრეთ ოსეთის თვითგამოცხადებულ რესპუბლიკაში შეიჭრა, რაც ქართველების წინააღმდეგ სასტიკი ეთნიკური წმენდით დასრულდა. დღეს ქვეყნის 20% ოკუპირებულია რუსეთის მიერ. პუტინმა ეს სცენარი გამოიყენა 2014 წელს ყირიმის ანექსიისას, რასაც ჯერ დონბასში, შემდეგ კი მთლიან უკრაინაში შეჭრა მოჰყვა.
ბოლო პერიოდში აშშ-სა და ევროპის მხრიდან სამხრეთ კავკასიის რეგიონის მიმართ ყურადღების ნაკლებობა შეიმჩნევა, რამაც შეუწყო ხელი პუტინს, რეგიონში ჰიბრიდული ომის ახალი ფრონტის ხაზი გაეხსნა.
სამხრეთ კავკასია სტრატეგიულად მნიშვნელოვანია, რადგან იგი ევროპის, აზიისა და ახლო აღმოსავლეთის გასაყარზე, შავი და კასპიის ზღვებს შორის მდებარეობს, რაც ბუნებრივი გაზისა და ნავთობის ძირითად სატრანზიტო გზას წარმოადგენს. შესაბამისად ხალხი, რომელიც დასავლეთს ყველაზე მეტად უნდა აინტერესებდეს, საფრთხეშია.
ქართველები ქუჩებში ბევრჯერ გასულან ქვეყნის დასავლური კურსის დასაცავად, ასე მოიქცნენ რუსეთის უკრაინაში შეჭრის შემდეგაც. მიმდინარე პროტესტი კი იმ კანონპროექტის ინიცირებამ გამოიწვია, რომლის თანახმადაც, არასამთავრობო და მედია ორგანიზაციებს, რომლებსაც 20%-ზე მეტი უცხოური დაფინანსება აქვთ, „უცხო ქვეყნის აგენტებად“ დასახელდებოდა და რიგ სემთხვევაში ჯარიმებიც დაეკისრებოდათ. საქართველოს პრეზიდენტი, სალომე ზურაბიშვილი კანონპროექტზე ვეტოს დადებით დაიმუქრა.
მნიშვნელოვანია, რომ ეს კანონპროექტი 2012 წელს რუსეთში ადამიანის უფლებების, მედიისა და სამოქალაქო საზოგადოების შემზღუდველ დოკუმენტს ძალიან გავს. თუმცა მნიშვნელოვანია, რომ ჯერ კიდევ 1990-იან წლებში, პრეზიდენტ ედუარდ შევარდნაძის დროიდან, საქართველოს კურსი პროდასავლურია. 2004 წლიდან მიხეილ სააკაშვილის 9-წლიანი პრეზიდენტობის მანძილზე, საქართველო კიდევ უფრო მიუახლოვდა დასავლეთს. ახლანდელი მართველი პარტიის „ქართული ოცნების“ დამფუძნებელი მილიარდერის, ბიძინა ივანიშვილის მთავრობამ კი მოსკოვისკენ სვლის ტემპს უმატა.
ორი ღამის განმავლობაში, როდესაც აქციის მონაწილეებს არბევდნენ, მათ დაამტკიცეს, რომ ბრძოლაში უკან არ დაიხევენ. პუტინს კი ალბათ ენდომება, რომ საქართველოში მაიდნის სიტუაცია არ დასრულდეს უკრაინის სცენარით - პრორუსული მთავრობის კაპიტულაციით.“— ნათქვამია ბლუმბერგის სტატიაში.
საქართველო
