ცესკო-ში აცხადებენ, რომ საარჩევნო ადმინისტრაცია არასამთავრობო ორგანიზაციებთან ერთად, ეთიკის კოდექსის განახლებაზე მუშაობს

ცესკო-ში აცხადებენ, რომ საარჩევნო ადმინისტრაცია არასამთავრობო ორგანიზაციებთან ერთად, ეთიკის კოდექსის განახლებაზე მუშაობს

access_time2023-01-12 21:30:31

ცენტრალური საარჩევნო კომისია არასამთავრობო ორგანიზაციებთან ერთად, ეთიკის კოდექსის განახლებაზე მუშაობს.



როგორც ცესკო-ში აცხადებენ, ცენტრალურ საარჩევნო კომისიაში დღეს გამართული შეხვედრის მთავარი საკითხი საარჩევნო ადმინისტრაციისა და ადგილობრივ სადამკვირვებლო ორგანიზაციათა ქცევის (ეთიკის) კოდექსის განახლებაზე ერთობლივი მუშაობა იყო.



მათივე ცნობით, შეხვედრა, რომელიც ჩართულ მხარეებთან თანამშრომლობის გაძლიერებაზე ორიენტირებული ახალი სამუშაო ფორმატის ფარგლებში გაიმართა, ცესკო-ს თავმჯდომარე გიორგი კალანდარიშვილმა გახსნა და დეტალურად ისაუბრა კოდექსის მნიშვნელობაზე.



გიორგი კალანდარიშვილის განცხადებით, არასამთავრობო სექტორის წარმომადგენელთა ჩართულობა, მათი მოსაზრებების გათვალისწინება და ეთიკის კოდექსის განახლებაზე ერთობლივი მუშაობა საარჩევნო გარემოს გაუმჯობესებას უწყობს ხელს.



„ახალი სამუშაო ფორმატი, რომელიც სამოქალაქო სექტორის წარმომადგენლებთან თანამშრომლობის განვითარებასა და გაძლიერებაზეა ორიენტირებული, აქტიურ ფაზაში შედის. ჩვენ დღეს გვქონდა უკვე მესამე სამუშაო შეხვედრა, რომელიც დაეთმო ქცევის, ეთიკის იმ წესების შემუშავებას, რომელიც მოემსახურება როგორც 2024 წელს გასამართ საერთო არჩევნებს, ასევე მიმდინარე წლის აპრილში დაგეგმილ რიგგარეშე და შუალედურ არჩევნებს. ჩვენ აღნიშნული ფორმატის ფარგლებში სამოქალაქო სექტორის აქტიური ჩართულობითა და მონაწილეობით ასევე ვიმსჯელეთ სამომავლო სხვა მნიშვნელოვან საარჩევნო საკითხებზე, რომელიც ხელს შეუწყობს საარჩევნო პროცესების გაჯანსაღებას“,- აღნიშნა გიორგი კალანდარიშვილმა.



საარჩევნო ადმინისტრაციისა და ადგილობრივ სადამკვირვებლო ორგანიზაციათა ქცევის (ეთიკის) კოდექსის და მასში შესატანი ცვლილებების შესახებ საარჩევნო ადმინისტრაციის პოზიცია შეხვედრის მონაწილეებს ცესკო-ს იურიდიული დეპარტამენტის უფროსმა გიორგი სანტურიანმა გააცნო, რის შემდეგაც გაიმართა დისკუსია.


დოკუმენტის საბოლოო სრულყოფის მიზნით, ეთიკის კოდექსის სამუშაო ვერსია გაიგზავნება არასამთავრობო ორგანიზაციებთან, რის შემდეგაც ისინი საკუთარ მოსაზრებებსა და რეკომენდაციებს წარმოადგენენ.


„ქცევის კოდექსი მნიშვნელოვანია იმდენად, რამდენადაც ის განსაზღვრავს წესებს, რომლებიც კანონში არ არის გაწერილი და რომლებზეც თანხმდება ეს ორი მნიშვნელოვანი მხარე – საარჩევნო ადმინისტრაცია და სადამკვირვებლო ორგანიზაციები, რომ ისინი დაიცავენ ეთიკურ წესებს წინასაარჩევნო პერიოდში და არჩევნების დღესაც. ამიტომ მნიშვნელოვანია ამაზე შეთანხმება, რომ ეს ფარავდეს ყველა იმ პრობლემურ საკითხს, რაც მრავლად გვაქვს წინასაარჩევნო პერიოდში. იმედი მაქვს, ეთიკის კოდექსი ყველასთვის მისაღებ საბოლოო სახეს მიიღებს“, – აღნიშნა შეხვედრის დასრულების შემდეგ ორგანიზაციის „საერთაშორისო გამჭვირვალობა საქართველო“ წარმომადგენელმა გიგი ჩიხლაძემ.


ამასთან, კოდექსზე ერთობლივი მუშაობის მნიშვნელობაზე ისაუბრა ორგანიზაციის „საზოგადოებრივი დამცველი“ თავმჯდომარე ირინა ფუტკარაძემ.



„ძალიან მნიშვნელოვანი შეხვედრა იყო დღეს. ტრადიციულად, საარჩევნო ადმინისტრაცია, ცესკო და არასამთავრობო ორგანიზაციების წარმომადგენლები ერთობლივად ვმსჯელობთ ეთიკის კოდექსზე. ძალიან მნიშვნელოვანი დოკუმენტია. მიუხედავად იმისა, რომ არ არის სავალდებულო და მხოლოდ სარეკომენდაციო ხასიათისაა, ეს დოკუმენტი მაინც არის დამზღვევი ჩვენთვის, სადამკვირვებლო ორგანიზაციებისთვის, რომ რაღაც ზღვარს არ გავცდეთ. ვთანხმდებით გარკვეულ თემებზე, ჩვენ უნდა გავითვალისწინოთ მთლიანად საარჩევნო პროცესი, რათა საარჩევნო გარემო არ დაზარალდეს. მით უფრო გასათვალისწინებელია არსებული რეალობა, რის წინაშეც დგას არასამთავრობო სექტორი. აქედან გამომდინარე, მნიშვნელოვანია, რომ ადმინისტრაციასთან ერთად ჩართული ვართ, რომ ერთი მხრივ, შევქმნათ ჯანსაღი საარჩევნო გარემო მინიმალური დარღვევებით და მეორე მხრივ, არ დაზარალდეს არასამთავრობო სექტორი“, – აღნიშნა ირინა ფუტკარაძემ.



ცენტრალური საარჩევნო კომისიის ინფორმაციით, ადგილობრივ არასამთავრობო ორგანიზაციებთან კომუნიკაციის გაძლიერების მიზნით ცესკო-ში სამუშაო შეხვედრების ახალი ციკლი 2022 წლის 6 დეკემბერს დაიწყო. შეხვედრების ციკლის ფარგლებში მხარეები სხვადასხვა საარჩევნო საკითხს განიხილავენ. ახალ ფორმატში დღეს მესამე შეხვედრა გაიმართა.



თეგები:
ცესკო



„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up