დიზაინერმა, მწერალმა და ტექნოლოგმა ჯექსონ ფოლი შეეცადა შეემოწმებინა რამდენად კარგად ესმის ChatGPT-ის მეწარმეობა. მან ჩატბოტს სთხოვა მოეფიქრებინა ონლაინ ბიზნესის იდეა, რომელიც რაც შეიძლება მეტ ფულს გამოიმუშავებდა. რა თქმა უნდა, მხოლოდ კანონიერად. ChatGPT-მ ერთ დღეში შექმნა კომპანია, რომელიც 25 000 დოლარად შეფასდა, წერს The Sun-ი.
ბოტს 100 დოლარი ჰქონდა ხელთ. ფოლმა აიღო შუამავლის როლი და შეუკვეთა და იყიდა ის, რაც ChatGPT-ს სურდა. ხელოვნურმა ინტელექტმა შესთავაზა, რომ ეყიდა დომენის სახელი, რომელიც ყურადღებას მიიპყრობდა, რად დაახლოებით $15 დაჯდა. შემდეგ ChatGPT-მ შექმნა მარკეტინგის საიტი Green Gadget Guru, რომელიც ქმნიდა კონტენტს ეკოლოგიაზე და ავრცელებდა პროდუქტებს გაყიდვების საკომისიოს სანაცვლოდ. ამის შემდეგ, მან შექმნა მომავალი კომპანიის ლოგო, ასევე ბიზნეს გეგმა და სოციალურ ქსელებში განვითარების სტრატეგია.
ChatGPT-მ შეაგროვა რჩევები ცხოვრების წესის შესაცვლელად და შეადგინა პროდუქტების კოლექციები, რომლებიც ცხოვრების წესის შეცვლაში დაგეხმარებათ. პირველ მასალას, რომელიც დაწერა და გამოაქვეყნა AI-მ, ეწოდა „10 ეკო-მეგობრული სამზარეულოს გაჯეტი".
შემდეგ ChatGPT-მა მოუწოდა ფოლს, რომ გაეზიარებინა სტატიები და პროდუქტის მიმოხილვები სოციალურ მედიაში, ამიტომ მან შექმნა ანგარიშები Facebook-ზე, Instagram-სა და Reddit-ზე. ხელოვნური ინტელექტი თვლიდა, რომ ეს მოიზიდავდა პოტენციურ მყიდველებს და გაზრდიდა ვებსაიტების ტრაფიკს. მან კიდევ 40 დოლარი დახარჯა Facebook-ის და Instagram-ის რეკლამებზე, დანარჩენი კი საძიებო სისტემებისთვის კონტენტის ოპტიმიზაციაზე.
ჯექსონმა სწრაფად მოიზიდა პირველი ინვესტიცია და დაიწყო პოტენციური პარტნიორების ძებნა. ერთ დღეში, მას შემდეგ, რაც ფოლსმა ChatGPT-ის ყველა ინსტრუქცია შეასრულა, მისი კომპანია თითქმის 25000 დოლარად შეფასდა.