2012 წელს ამხელა სიყვარულით მოსული „ქართული ოცნება“ დღეს რკინებით შემოღობილი ატარებს რეგიონებში შეხვედრებს, ხალხი ახლოს რომ ვერ მივიდეს მასთან , - ამის შესახებ „ტრიბუნას“ ლიდერმა დავით ჭიჭინაძემ განაცხადა.

მისივე თქმით, „ქართულ ოცნებას“ ძალაუფლების ლეგიტიმაციის პრობლემა აქვს და თავისი გუნდის რცხვენია.

„ერთადერთი რაც მოახერხეს, 2012 წელს ამხელა სიყვარულით მოსული „ქართული ოცნება“ დღეს რკინებით შემოღობილი ატარებს რეგიონებში შეხვედრებს, ხალხი ახლოს რომ ვერ მივიდეს მათთან. 43%-იც ხომ მაგიტომ ამოიღეს, მათზე უკეთ არავინ იცის ადამიანების განწყობა. ამას ემატება ისიც, რომ „ოცნებას“ ძალაუფლების ლეგიტიმაციის სერიოზული პრობლემა აქვს და თავისი გუნდის რცხვენია: სიის ყოფილი პირველი ნომერი გახარია, ცალკე მონაწილეობს არჩევნებში, პარტიის ყოფილი თავმჯდომარე საერთოდ არ ჩანს, პარტიის მოქმედი თავმჯდომარეც არ ჩანს და კამპანიას ღარიბაშვილი და კუჭავა ხელმძღვანელობს, თან აბსოლუტურად გაუგებარი ადამიანებით გარშემორტყმულები.

მოკლედ, ერთ მხარესაა პრივილეგირებული “ოცნება” თავისი მხარდამჭერებით, მეორე მხარეს დანარჩენი საზოგადოება, ხალხი, ვისაც ყველა აბსოლუტურად უფლება ჩამორთმეული აქვს.

ჩამონგრეული ყველა ინსტიტუტი, კატასტროფამდე მიიყვანილი ქვეყანა, საყოველთაო ჯანდაცვა, ერთ დროს ასე საამაყო მათთვის და დღეს ესეც ჩამომხობილი. ამდენი ადამიანი იღუპება ყოველ დღე და ერთადერთი რასაც ზუსტად ვხედავთ არის, ის, რომ „ოცნებაში“ არც სახელმწიფოებრიობის განცდა აქვს ვინმეს და არც პასუხისმგებლობა! აი, ამიტომ უნდა წავიდეთ ოქტომბერში რეფერენდუმზე, ქვეყნის, ადამიანების გადარჩენის საკითხი დგას“ , - განაცახადა ჭიჭინაძემ.

ipn.ge