საქართველოში მოქმედი არასამთავრობო ორგანიზაციები აცხადებენ, რომ საქართველოს ხელისუფლების განცხადებები ევროკავშირის კანდიდატის წევრის სტატუსის მიღებასთან დაკავშირებით კონსტიტუციას ეწინააღმდეგება.
სამოქალაქო ორგანიზაციების განცხადებას ხელს 18 არასამთავრობო აწერს.
„საზოგადოებრივი ორგანიზაციები ვეხმიანებით ევროპული პარლამენტის კრიტიკული რეზოლუციის საპასუხოდ მმართველი პარტიის წარმომადგენლის განცხადებას, რომსაქართველომ უარი უნდა თქვას ევროკავშირის კანდიდატი ქვეყნის სტატუსზე, თუ მას უსამართლო პირობებით მიიღებს, რაც მოგვიანებით პრემიერ-მინისტრი ღარიბაშვილის მხრიდან ევროკავშირის კანდიდატი ქვეყნის სტატუსის სიმბოლურ მნიშვნელობაზე ხაზგასმით გაგრძელდა.
მიგვაჩნია, რომ მსგავსი ტიპის უპასუხისმგებლო და სახიფათო განცხადებები არამხოლოდ უკიდურესად აზარალებს ქვეყნის ევროინტეგრაციის პროცესს და ეწინააღმდეგებასაქართველოს კონსტიტუციას, არამედ სერიოზული საფრთხის ქვეშ აყენებს საქართველოს მოსახლეობის აბსოლუტური უმრავლესობის გაცხადებულ ევროპულ არჩევანს. საქართველოს კონსტიტუციის 78-ე მუხლის თანახმად, კონსტიტუციური ორგანოებისვალდებულებაა, თავიანთი უფლებამოსილების ფარგლებში მიიღონ ყველა ზომა ევროპისკავშირსა და ჩრდილოატლანტიკური ხელშეკრულების ორგანიზაციაში საქართველოს სრულიინტეგრაციის უზრუნველსაყოფად”, - განმარტავენ არასამთავრობო ორგანიზაცია დემოკრატიის ინდექსში.
ღია საზოგადოება ფონდის ხელმძღვანელი ქეთი ხუციშვილი ამბობს, რომ მნიშვნელოვანია ის, თუ სად არის დღეს საქართველო.
“პირადად ჩემთვის, ეს კარგად გასაგები და ნათელი არ არის. ჩემი აზრით, იმიტომ, რომხელისუფლებამ ვერ შეძლო ნათლად ჩამოეყალიბებინა პოზიცია. ჩვენ გვესმის ურთიერთგამომრიცხავი განცხადებები: ერთი მხრივ, უკრაინის სუვერენიტეტისა დამთლიანობის მხარდაჭერა, ამავე დროს თავდასხმები უკრაინის ლიდერებზე და მათი დადანაშაულება, რომ ჩვენი ომში ჩათრევა უნდათ. ასევე, ჩვენ გვესმის ერთი მხრივ ევროპისმხარდამჭერი განცხადებები, ამავე დროს ევროპელ პარლამენტარებზე თავდასხმა. სწორედ იმპარლამენტარებზე, რომლებიც გამორჩეულები იყვნენ საქართველოსთან მეგობრობით”,- ამბობს ხუციშვილი.
ეკონომიკური პოლიტიკის კვლევით ცენტრში განმარტავენ, რომ პასუხი კითხვაზე, თუ, რატომ გვინდა ევროპა და ევროკავშირი - არის ერთმნიშვნელოვანი: “ეს არის გზა განვითარებისა დამშვიდობისკენ. ეს არის გზა კეთილდღეობისკენ, რომ ადამიანები არ ცხოვრობდნენ სიღარიბეში, არამედ ჰქონდეთ ღირსეული, უზრუნველყოფილი სიბერე, ხელი მიუწვდებოდეთ ხარისხიან ჯანდაცვასა და განათლებაზე”.
არასამთავრობო ორგანიზაცია სამოქალაქო იდეის თავმჯდომარე თინა ხიდაშელი კი ამბობს, რომ ავტოკრატებს, დიქტატურისკენ გადახრილ ადამიანებს ეშინიათ ევროპის, მათ ეშინიათ ევროპული სახელმწიფოსი.
“ევროპული სახელმწიფო ეს არის მრავალკულტურული, მრავალფეროვანი, მრავალპარტიული, დემოკრატიული მმართველობა, ეს არის ქვეყანა, რომელიც ფუნდამენტურად დაფუძნებულია თანასწორობაზე, ერთმანეთის მოსმენაზე, ერთმანეთის აზრის პატივისცემაზე, გაზიარებაზე, შეჯერებაზე და კონსენსუსის გზით სიარულზე,“ - ამბობს თინათინ ხიდაშელი.
ხელმომწერი ორგანიზაციები (მათ შორის დემოკრატიის კვლევის ინსტიტუტი (DRI), სამოქალაქო იდეა, დემოკრატიის ინდექსი - საქართველო, ღია საზოგადოების ფონდი, ევროპულ-ქართული ინსტიტუტი, მწვანე ალტერნატივა, ადამიანის უფლებათა ცენტრი, საქართველოს ატლანტიკური საბჭო, ინფორმაციის თავისუფლების განვითარების ინსტიტუტი(IDFI), საქართველოს ახალგაზრდა იურისტთა ასოციაცია, საფარი, რონდელის ფონდი, სამართლიანი არჩევნებისა და დემოკრატიის საერთაშორისო საზოგადოება (ISFED), ეკონომიკური პოლიტიკის კვლევის ცენტრი (EPRC), სოციალური სამართლიანობის ცენტრი(ყოფილი EMC), საქართველოს დემოკრატიული ინიციატივა (GDI), საქართველოს რეფორმებისასოციაცია (GRASS), უფლებები საქართველო) მოუწოდებენ ხელისუფლებას ევროკავშირს და საქართველოს მოსახლეობას დაუყოვნებლივ წარუდგინოს გეგმა, რომელიც ევროპარლამენტის რეზოლუციაში მითითებული პრობლემების სისტემური გადაჭრის გზებს ისახავს. ასევე დაუყოვნებლივ შეწყვიტოს სახიფათო და დანაშაულებრივი რიტორიკა, რომელსაც მინიმუმამდე დაჰყავს საქართველოს მიერ ევროკავშირის კანდიდატის სტატუსის მიღების შანსები.
რამდენიმე დღის წინ ევროპარლამენტში მიიღეს მკაცრი რეზოლუცია, კერძოდ, 20-მა ევროპარლამენტარმა რეზოლუციის პროექტი წარადგინა, რომლის მიხედვითაც ბიძინა ივანიშვილისთვის სანქციების დაწესებას მოითხოვენ, რადგან მედიის თავისუფლების კუთხით არსებულ მდგომარეობასა და რუსეთთან ბუნდოვან ურთიერთობებზე პასუხისმგებლობას მას აკისრებენ. თუმცა ქართული ოცნების გუნდში აღნიშნულ რეზოლუციას შეურაცხმყოფელს უწოდებენ, რომელიც თითქოს გაჯერებულია ტყუილებით და არაზუსტი ინფორმაციით.