რამდენიმე ევროპელმა საგარეო საქმეთა მინისტრმა ევროკავშირს მოლდოვასა და საქართველოში დესტაბილიზაციის მცდელობებში ჩართული ოლიგარქებისთვის სანქციების დაწესება მოუწოდა. ამის შესახებ ინფორმაციას Politico ავრცელებს.
„ეს ორი ქვეყანა დესტაბილიზაციის მცდელობების წინაშე დგას, რაც ჩვენ უდიდეს სიფხიზლეს მოითხოვს და შესაძლოა, გამართლებული იყოს ამ მცდელობებზე პასუხისმგებელი პირების წინააღმდეგ სანქციების დაწესების განხილვა“, - აცხადებს საფრანგეთის საგარეო საქმეთა მინისტრი კატრინ კოლონა.
Politico იუწყება, რომ რუმინელმა და ესტონელმა კოლეგებმა ევროკავშირს მოლდოვაში პრორუსი ოლიგარქების წინააღმდეგ სანქციების დაწესებისკენ მოუწოდეს.
გამოცემა თბილისში განვითარებულ მოვლენებზეც წერს, სტატიაში ნათქვამია, რომ ორი კვირის წინ ათასობით ადამიანმა გააპროტესტა ე.წ. აგენტების კანონპროექტი.
„მმართველმა პარტიამ, „ქართულმა ოცნებამ“ სამი დღის შემდეგ კანონპროექტი ჩააგდო, მაგრამ სულ უფრო მეტი ქართველი შიშობს, რომ მათი მთავრობა მოსკოვს უახლოვდება. პარტიის დამფუძნებელს, ექს-პრემიერ ბიძინა ივანიშვილს მჭიდრო კავშირები აქვს რუსეთთან,“- წერს Politico.
საქციები
