ევროპის მწვანეების პარტიის (EFA) საპარლამენტო მრჩეველი ევროპის პარლამენტში თამარ გუგულაშვილი კვირას, 27 თებერვალს ჟოზეფ ბორელისა და ურსულა ვონ დერ ლეიენის გამოსვლას სოციალურ ქსელში გამოქვეყნებულ პოსტში აანალიზებს.

თამარ გუგულაშვილმა 7 პუნქტად ჩამოაყალიბა ევროპელი მაღალჩინოსნების გზავნილები რუსეთისა და მსოფლიოსადმი:

1. პუტინს მარტო მსოფლიოზე ბატონობა არ უნდა, მას ჩვენს გონებაზე უნდა ბატონობა. ნუ აყვებით მის დაშინებას.

ჩვენი პასუხია პუტინის დღევანდელ ატომურ მუქარაზე (ბორელი იღიმებოდა);

2. ევროკავშირის მინისტრები იკრიბებებიან, რომ კონკრეტული სასწრაფო გეგმა შემუშავდეს, რა საომარი იარაღი და როგორ მივაწოდოთ უკრაინას.

არ დაგავიწყდეთ დაეცა უზარმაზარი ტაბუ, ევროკავშირი აძლევს ყველა იარაღს დღეიდან, რაც უკრაინას უნდა!!!

3. ავკარძალეთ ასევე რუსული არხები ევროპაში, ანუ რაშა თუდეი და სპუტნიკი!

4. ასევე აქტიურად მუშავდება რუსული კიბერ შეტევების საწინააღმდეგო ზომები.

5. დღეს უკვე ევროპამ გადაკეტა swift არა 70% რუსული ბანკისთვის, როგორც გუშინ, არამედ ყველა ბანკისთვის. რუსეთის ცენტრალურმა ბანკმა უკვე დაკარგა დღეს დილას 50% თავისი კაპიტალის;

6. ასევე გავააქტიურეთ ევროკავშირის შიდა მექანიზმი უკრაინისთვის და ვაგზავნით ყველაფერს, რაც უკრაინას სჭირდება (13 მილიარდის მობილიზების იქით, ასევე ყველანაირი აღჭურვილობა);

7. ევროპის ქვეყნები დაინაწილებენ უკრაინელ ლტოლვილებს პოლონეთიდან;

„დასკვნა: ევროპას არ ეშინია პუტინის მუქარის. ევროპა პასუხობს ერთსულოვნად ამ ზომებით. ანუ, 27 ქვეყნის მთავრობები შეთანხმდნენ და ბორელის პირით უთვლიან პუტინს: იმუქრები ატომური იარაღით მაგრამ არ გირეკავთ. უარი მოლაპარაკებაზე ევროპასა და პუტინს შორის!“, – წერს თამარ გუგულაშვილი.