საქართველოს ფინანსთა მოქმედი მინისტრი, ლაშა ხუციშვილი, რომელიც პარლამენტში "მინისტრის საათის" ფარგლებშია მისული არ პასუხობს კითხვას, უნდა თუ არა ეროვნული ბანკის პრეზიდენტობა და მონაწილეობს თუ არა ამ კონკურსში. ამ საკითხზე კითხვა მას უპარტიო დეპუტატმა, რომან გოცირიძემ პარლამენტში ორჯერ დაუსვა.
რომან გოცირიძის თქმით, "ეროვნული ბანკის შესახებ" კანონში ცვლილებების შეტანა მას შემდეგ გადაწყდა, რაც საქართველოს პრეზიდენტმა დაიწუნა პრემიერის მიერ ეროვნული ბანკის პრეზიდენტად შეთავაზებული ლაშა ხუციშვილის კანდიდატურა. ამ კანონპროექტით ეროვნულ ბანკში ჩნდებოდა პრეზიდენტის პირველი მოადგილის თანამდებობა - რომელიც ხელმძღვანელის არჩევამდე შეასრულებდა მის მოვალეობას.
მინისტრმა დეპუტატს უთხრა, რომ მის საკითხთან არ იყო დაკავშირებული "ეროვნული ბანკის შესახებ" კანონში ცვლილებების შეტანა. ლაშა ხუციშვილმა ასევე კონკრეტული პასუხი არ გასცა რომან გოცირიძის განმეორებით კითხვას, შეიტანა თუ არა განაცხადი ეროვნული ბანკის საბჭოს წევრის შესარჩევ კონკურსზე.
მინისტრმა დეპუტატს უთხრა, რომ ეს არის კონკურსი, რომელსაც ატარებს პრეზიდენტის ადმინისტრაცია და თუ ეს უწყება საჭიროდ ჩათვლის, რომ ინფორმაცია გაასაჯაროოს, მისთვისაც ხელმისაწვდომი გახდება.
ხუციშვილი
