„პატრიოტთა ალიანსს“ სია არ გაუუქმებია, შესაბამისად, სიაში შემდეგი ვინც არის, მათ პარლამენტში შემოსვლის ლეგიტიმური უფლება აქვთ და ამის შესახებ განცხადებებს ჯერ კიდევ რამდენიმე კვირის თუ არა, რამდენიმე თვის წინ აკეთებდნენ, - ამის შესახებ ჟურნალისტებს პარლამენტის პირველმა ვიცე-სპიკერმა, გიორგი ვოლსკიმ განუცხადა.

მისი თქმით, ამ ვითარებაში არაადეკვატურია დასჯაზე საუბარი.

„არანაირი პროცედურული დარღვევა არ ყოფილა და საერთოდ არ მესმის რა პრეტენზია აქვთ. შემოვიდნენ, მანდატების გაუქმება ითხოვეს და მიიღეს ის, რაც ითხოვეს. სია არ გაუუქმებიათ, შესაბამისად, სიაში შემდეგი ვინც არის, მათ პარლამენტში შემოსვლის ლეგიტიმური უფლება აქვთ და ამის შესახებ განცხადებებს ჯერ კიდევ რამდენიმე კვირის თუ არა, რამდენიმე თვის წინ აკეთებდნენ. თებერვლამდე გადაწყვეტილებები არ არის მიღებული სხვა პარტიებთან და დეპუტატებთან დაკავშირებით მანდატის შეჩერებაზე. რაც შეეხება „პატრიოტთა“ ალიანსის საკითხის განხილვას, ეს შემოსული განცხადების საფუძველზე მოხდა. არის პროცედურული საკითხები და მივყვებით ამ საკითხებს. ამ ვითარებაში არაადეკვატურია დასჯაზე საუბარი. სასჯელი მაშინ გამოუტანეს თავის თავს, როდესაც დესტრუქციულ რეჟიმში შევიდნენ მაშინ, როდესაც ეს დესტრუქცია-დესტაბილიზაცია თავადაც კარგად იციან ვის აწყობს დღეს კავკასიაში და მათ შორის საქართველოში“, - განაცხადა გიორგი ვოლსკიმ.

საქართველოს პარლამენტმა „პატრიოტთა ალიანსის“ სამი წევრისთვის, ირმა ინაშვილისთვის, გიორგი ლომიასთვის და გოჩა თევდორაძისთვის სადეპუტატო უფლებამოსილების შეწყვეტის საკითხს მხარი დაუჭირა.

imedinews.ge