Twitter-მა იმ წამყვანი გამოცემების ჟურნალისტების ანგარიშები დაბლოკა, რომლებიც ელონ მასკის საქმიანობას აკრიტიკებდნენ, ამის შესახებ CNN-ი იტყობინება.
Twitter-მა CNN-ის (დონი ო'სალივანის), The New York Times-ის (რაიან მაკის), The Washington Post-ის (დრიუ ჰარველის) და სხვა ჟურნალისტების ანგარიშები დაბლოკა, რომლებიც ბოლო კვირებში მასკის საქმიანობას აშუქებდნენ.
აღნიშნულია, რომ ელონ მასკი ამ საკითხთან დაკავშირებით კომენტარს არ გააკეთებს.
როგორც Twitter-ის პრესსპიკერმა განმარტა, ანგარიშების დაბლოკვა სხვა ადამიანების ადგილსამყოფლისა და გადაადგილების შესახებ ინფორმაციის გაზიარების ფაქტს უკავშირდება.
აღსანიშნავია, რომ რამდენიმე დღის წინ Twitter-მა დაბლოკა ერთ-ერთი ანგარიში, რომელიც, საჯარო ინფორმაციაზე დაყრდნობით, სოციალური ქსელის მფლობელის, ილონ მასკის პირადი თვითმფრინავის გადაადგილების შესახებ ინფორმაციას ავრცელებდა. თავად მილიარდერმა განაცხადა, რომ ამ ანგარიშის მფლობელს, 20 წლის ჯეკ სვინის სასამართლოში უჩივლებს.