Twitter-ის აღმასრულებელმა დირექტორმა ილონ მასკმა, სოციალურ ქსელს ლურჯი მტრედის ლოგო დაუბრუნა მას შემდეგ, რაც ის ძაღლის გამოსახულებით შეცვალა, რომელიც Dogecoin-ის (DOGE) მემის ტოკენის თილისმაა. წინა ლოგოზე დაბრუნების შემდეგ DOGE-ის მაჩვენებელი 9.96%-ით დაეცა.

DOGE 2013 წელს შექმნილი კრიპტოვალუტაა, რომელმაც გასული წლის სექტემბერში PoW ალგორითმით კრიპტოვალუტებს შორის კაპიტალიზაციის მხრივ მეორე ადგილი დაიკავა. კრიპტოვალუტების საერთო რეიტინგში DOGE მერვე ადგილზეა 11,4 მილიარდი დოლარის კაპიტალიზაციით.

3 აპრილს მასკმა Twitter-ის ლოგოდ DOGE-ს გამოსახულება დააყენა, რის შემდეგაც მონეტის ფასი თითქმის 68%-ით გაიზარდა და 0,105 დოლარს მიაღწია. მილიარდერმა შარშანდელ მიმოწერაზე მიუთითა,  სადაც აბონენტმა შესთავაზა ეყიდა Twitter და ლოგო DOGE-ით შეეცვალა. მასკმა თქვა, რომ პირობა შეასრულა.