მამუკა ხაზარაძე გიორგი გახარიასთან კოორდინაციას გეგმავს. როგორც „ლელოს“ ლიდერმა მამუკა ხაზარაძემ განაცხადა, ის წინასაარჩევნო მარათონამდე მორატორიუმს აცხადებს და არ გახსნის იმ კითხვებს, რაც მას გიორგი გახარიასთან აქვს.
„მადლობა მინდა გადავიხადო ბატონ სერგეენკოს და ჩაჩიბაიას, მათი პრინციპულობისთვის. თუ ვინმე სწორ რამეს აკეთებს ამ ქვეყანაში იმას უნდა ვუთხრათ, რომ სწორია და მართალია. ასე შავი და თეთრი არ არსებობს. არსებობს სწორი პოზიცია და არ აქვს მნიშვნელობა ვინ რომელი პარტიიდან გააჟღერებს.
ერთი მთავარი, ჩვენ უნდა გამოვაცხადოთ მორატორიუმი, არავითარი კამათი და თავდასხმა ოპოზიციასთან. მე ძალიან ბევრი პრეტენზია მაქვს, მაგალითად, გახარიას პიროვნებასთან და მის პოლიტიკასთან. მის პოლიტიკას, რომელსაც შეეწირა უამრავი კეთილდღეობა, ანაკლიის პორტი, კონკრეტულად ბევრი რამ რაც განახორციელა. აი მე მამუკა ხაზარაძე ვაცხადებ, რომ ვადებ მორატორიუმს იმ კითხვებს რომელიც მე ამ ადამიანთან მაქვს და ამ კითხვებს გავხსნი, როცა იქნება წინასაარჩევნო მარათონი. მანამდე ჩვენ ყველას ერთად გადასარჩენი გაქვს ეს ქვეყანა“, — განაცხადა მამუკა ხაზარაძემ.