Meta, Facebook-ისა და Instagram-ის მშობელი კომპანია, გეგმავს გამოუშვას გენერაციული ხელოვნური ინტელექტი, რომელიც რეკლამის ტექსტს შექმნის.
სავარაუდოდ, ტექნოლოგია დაეხმარება მომხმარებლებს გააფართოონ აუდიტორიის წვდომა და შეამცირონ სარეკლამო ხარჯები.
საინფორმაციო სააგენტო Nikkei-სთან ინტერვიუში Meta ტექნიკურმა დირექტორმა ენდრიუ ბოსვორთმა ხაზგასმით აღნიშნა, რომ ბოლო ათწლეულის განმავლობაში, ასობით თანამშრომლის ჩართულობით, კომპანიამ ინვესტიცია მოახდინა ხელოვნურ ინტელექტში. ამის შესახებ Cryptomiso წერს.
ტექნოლოგიების კომერციალიზაცია წელს დაიწყება. Meta ახალი გენერაციული AI გუნდი რამდენიმე თვის წინ შექმნა და დამფუძნებელი მარკ ცუკერბერგი და პროდუქტის მთავარი ოფიცერი კრის კოქსი დიდ დროს უთმობენ ამ სფეროს განვითარებას.
ენდრიუ ბოსვორთმა ხაზგასმით აღნიშნა, რომ Meta-ს ხელოვნური ინტელექტი გაზრდის რეკლამების ეფექტურობას, კერძოდ, რეკლამის განმთავსებლებს რეკომენდაციებს აძლევს, თუ რომელი ინსტრუმენტები გამოიყენონ რეკლამის შექმნისას, რაც გამოიწვევს დროისა და ბიუჯეტის დაზოგვას. კომპანია ასევე გეგმავს გამოიყენოს ტექნოლოგია მის მიერ განვითარებულ მეტავერსებში. ბოსვორთი წარმოიდგენს მომავალს, რომელშიც ხელოვნური ინტელექტი ააშენებს ვირტუალურ სამყაროებს ადამიანებისთვის.
Meta AI კვლევითი ლაბორატორია 2013 წელს ფრანგ მეცნიერთან და AI-ის წამყვან ექსპერტ იან ლეკუნთან თანამშრომლობით დააარსა. ნიდერლანდებში დაფუძნებული AI კვლევის ანალიზის პლატფორმის Zeta Alpha-ს მიხედვით, 2022 წელს Meta-მ, Google-ის შემდეგ, მეორე ადგილი დაიკავა AI-ის ძირითად კვლევებზე ბმულების რაოდენობის მიხედვით.